„საუბნო საარჩევნო კომისიებში ამ დროისთვის არსებული მონაცემებით 289 საჩივარია შემოსული“, - ამის შესახებ ცენტრალური საარჩევნო კომისიის თავმჯდომარე თამარ ჟვანიამ განაცხადა.

როგორც მან აღნიშნა, ცესკო ყველა საჩივარზე შესაბამის რეაგირებას მოახდენს.

„მინდა აღვნიშნო, რომ საჩივრების შეტანას აქვს თავისი წესი. ოქმის შედგენიდან 2 დღის განმავლობაში ისინი შეიძლება წარდგენილ იქნას საოლქო საარჩევნო კომისიებში, საოლქო საარჩევნო კომისიები მას იხილავენ ორი დღის ვადაში და ცხადია, საარჩევნო ადმინისტრაცია მთელი დღის განმავლობაში იყო მზად, მოეხდინა რეაგირება ნებისმიერ საჩივარზე. თუმცა, რა თქმა უნდა იმ საჩივრებზე, რომელსაც ექნება არსებითი საფუძვლები. ყველა მათგანი იქნება განხილული და კანონით დადგენილ ვადაში მივიღებთ შესაბამის გადაწყვეტილებებს“, - განაცხადა თამარ ჟვანიამ.

ცნობისთვის, ცესკოს წინასწარი შედეგებით, არჩევნებში სალომე ზურაბიშვილი იმარჯვებს. კერძოდ, როგორც ცესკო-ს თავმჯდომარე თამარ ჟვანიამ განაცხადა, 1181 უბანის მონაცემებით, „ქართული ოცნების“ მიერ მხარდაჭერილმა კანდიდატმა ამომრჩეველთა ხმების 57% (262 846 ხმა) მიიღო, ხოლო გაერთიანებული ოპოზიციის კანდიდატმა გრიგოლ ვაშაძემ 43% (195 305 ხმა).

ავტორი: ,

სოციალური ქსელები

პეკინისა და ვაჟა-ფშაველას გამზირების კვეთიდან ჟვანიას მოედნის მიმართულებით მოძრაობა დროებით შეიზღუდება

რამზან კადიროვის შვილს ჩეჩნეთის რესპუბლიკის გმირის წოდება მიენიჭა

ე.წ ფასეულობების დაცვის მიზნით ოცნების პარლამენტი კანონპროექტის მიღებას აპირებს

ავალიანის საქმეზე იმნაძეს და ბერუაშვილს აღკვეთის სახით პატიმრობა შეუფარდეს