ანალიტიკოსი გია აბაშიძე  ფიქრობს , რომ  ხვალიდელი საპრეზიდენტო არჩევნები, მიუხედავად წინასაარჩევნო პერიოდში არსებული ზღვარგადასული სიყალბისა, დემაგოგიისა, ცილისწამებისა, არსებულ ხარვეზთა ჰიპერბოლირებისა  და  მხარეებს შორის არსებული სიძულვილისა,  მშვიდ  და დემოკრატიულა ვითარებაში ჩაივლის.

როგორც გია აბაშიძემ განაცხადა,  ჩვენი ქვეყნის საზოგადოება ხვალაც დაამტკიცებს, რომ   დემოკრატიულ ღირებულებებზე ორიენტირებული საზოგადოებაა და ევროპულ ოჯახში  ღირსეული ადგილი უკავია.

„მრავალჯერ და ზედმეტ დოზებში ვიხილეთ „ნაციონალური მოძრაობის“, მათი ქოლგის ქვეშ არსებული სატელიტების პოლიტიკური ტემპერატურის აწევის მცდელობა. ვნახეთ ასევე ერთ დროს ნაცადი ტაქტიკა - „რევოლუციონერთა“ ერთ- ერთი მეთოდი, რომ ხელისუფლება მუდმივად თავის მართლების რეჟიმში ჰყავდეს და მოსახლეობაში გააჩინონ განცდა, რომ არჩევნები ყალბდება.   გარეთ 2018 წელია, საზოგადოებას ამნეზია არ სჭირს, ამ ხნის მანძილზე ბევრი რამ გაიგო და ისწავლა.  სახელმწიფოც ძლიერია საკუთარი ინსტიტუტებით.“- განაცხადა აბაშიძემ.

მისივე თქმით,  ხვალინდელი საპრეზიდენტო არჩევნების მეორე ტურზე, რომელიც  პირველად იმართება ამ ხელისუფლების პირობებში,  მთავარი-  დემოკრატიული წარმატება და დამარცხებულის მიერ მარცხის აღიარებაა.

„ უწინარესია, რომ საარჩევნო პროცესმა ჩაიაროს მშვიდად, თავისუფლად და სამართლიანად.   დამარცხებულმა ღირსეულად აღიაროს წაგება. წინასაარჩევნო პერიოდში მომსწრენი გავხდით მაღალი ემოციების,  დებატებისა, რომლებიც ბევრჯერ გადაიზარდა პირად თავდასხმებსა და შეურაცხყოფაში. ამის მიუხედავად,  უნდა ვაჩვენოთ დემოკრატიულ სამყაროს, რომ შეგვიძლია მშვიდ გარემოში,  საქართველოს პრეზიდენტის არჩევა, ერის კონსოლიდიდაცია და ევრო-ატლანტიკური მისწრაფებებით თანმიმდევრული განვითარება.“ განაცხადა გია აბაშიძემ.

(NS)

ავტორი: ,

სოციალური ქსელები

პაპუაშვილი – ელენე ხოშტარიასთან დაკავშირებით რა გადაწყვეტილებებსაც მიიღებენ ექიმები, ისე იმოქმედებს პენიტენციური სამსახური

Flyone-მა კიშინაუდან ბათუმის მიმართულებით პირდაპირი ფრენები დაიწყო

შსს - უკანონო ბრუნვიდან ამოღებული 37 მილიონ ლარზე მეტი ღირებულების 700 კილოგრამამდე სხვადასხვა სახის ნარკოტიკული საშუალება განადგურდა

ივანიშვილის წარმომადგენელ პაპუაშვილს ჰქონია, რომ ცენზურა ქვეყანაში ევროკავშირის იმიჯის გამოსასწორებლად დააწესა