საფრანგეთის ელჩი საქართველოში პასკალ მენიე იმედოვნებს, რომ ქვეყანაში საარჩევნო პროცესი გამჭვირვალედ და სამართლიანად წარიმართება.

ამის შესახებ მან ჟურნალისტებს განუცხადა.

„ყურადღებით ვაკვირდებით საქართველოში მიმდინარე მოვლენებს. იმედი მაქვს, შენარჩუნდება სტაბილურობა, სიმშვიდე და პროცესი იქნება გამჭვირვალე და სამართლიანი. ორი კანდიდატია და არჩევანი ამომრჩეველმა უნდა გააკეთოს“, – განაცხადა ფასკალ მენიემ.

ცნობისთვის, პრემიერ-მინისტრი მამუკა ბახტაძე და პარლამენტის თავმჯდომარე ირაკლი კობახიძე დიპლომატიური კორპუსის წარმომადგენლებს შეხვდნენ. შეხვედრის მთავარი თემა საპრეზიდენტო არჩევნების მეორე ტური იყო.

შეგახსენებთ, საქართველოში საპრეზიდენტო არჩევნების მეორე ტური 28 ოქტომბერს გაიმართება. მეორე ტურში გაერთიანებული ოპოზიციის „ძალა ერთობაშია“ კანდიდატი, გრიგოლ ვაშაძე და „ქართული ოცნების“ მიერ მხარდაჭერილი კანდიდატი, სალომე ზურაბიშვილი იღებენ მონაწილეობას.

ავტორი: ,

სოციალური ქსელები

ფიშერი - ცოტა შეწუხებული ვარ პაპუაშვილის გამო, მას ან ნამდვილად არ ესმის, რას გულისხმობს ევროპა ან თავს აჩვენებს, რომ არ ესმის

რუსეთის მიერ უკრაინაში დადასტურებულმა დანაკარგებმა 350 000-ს გადააჭარბა

მოსკოვში გამარჯვების დღის აღლუმი ისტორიაში ერთ-ერთი ყველაზე მოკლე აღლუმი იყო

კობახიძემ ევროკავშირის ელჩს ტრაგიკული პიროვნება უწოდა, ჰერჩინსკიმ ლანძღვას უპასუხა