„15 წლის წინ, ქართველმა ხალხმა მოახდინა ნამდვილი სასწაული - 15 წლის თავზე, გვაქვს დოდო გამოწვევა, ისევ მოაჯდა საქართველოს ურჩხული“, - ამის შესახებ ყოფილმა პრეზიდენტმა მიხეილ სააკაშვილმა ვიდეო მიმართვაში განაცხადა, რომელიც Facebook-ის საკუთარ გვერდზე გამოაქვეყნა.

სააკაშვილი მოქალაქეებს გიორგობის დღესასწაულს ულოცავს და „ვარდების რევოლუციაზე“ საუბრობს.

„ყველას ეგონა, რომ შევარდნაძე იყო დაუმარცხებელი, რომ ეს სისტემა იყო მუდმივი, რომ ჩვენ ქვეყანას არ ჰქონდა არანაირი პერსპექტივა წარმატების მიღწევის და წინსვლის. მაშინ ხალხმა ამ უიმედობას გადაუსვა ხაზი და გაათავისუფლა ქვეყანა. ვარდების რევოლუციამ მყარად დააბრუნა საქართველო მსოფლიო რუკაზე. საქართველო იყო მსოფლიოს პირველი რეფორმატორი, საქართველომ დაიწყო წინსვლა, ქართველებმა დაიწყეს ქვეყანაში დაბრუნება. უფრო მეტი ბრუნდებოდა, ვიდრე მიდიოდა. ძალიან ბევრი რაღაც გაკეთდა. ახალი ქალაქები აშენდა. საქართველომ ირწმუნა საკუთარი თავის ძალა. ახლა, 15 წლის თავზე გვაქვს დიდი გამოწვევა. ისევ მოაჯდა საქართველოს ურჩხული. ისევ შევარდნაძის ბევრი ძველი კადრი, ძველი დაბრუნდა სისტემა, ისევ მიგვათრევენ 90-იანებში და კიდევ უფრო უკან. მაგრამ ზუსტად ვიცი, ჩვენი ხალხი ახლაც დაანახებს მსოფლიოს საკუთარ თავმოყვარეობას, ღირსებას და ყველას მართლაც განაცვიფრებს. საქართველოს აქვს უზარმაზარი პერსპექტივა. მე უსაზღვროდ მწამს ქართველი ხალხის, ჩვენი ბრძოლისუნარიანობის და გამძლეობის, ჩვენი გადარჩენის ინსტინქტის, ჩვენი გამარჯვებისკენ სწრაფვის. წმინდა გიორგი იყოს ამ ყველაფერში ჩვენი მფარველი. ჩვენ აუცილებლად გავიმარჯვებთ, გადავლახავთ ამ პრობლემებსაც. საქართველოს ყველაფერი გამოუვა, ჩვენ ყველაფერი გამოგვივა! დიდება საქართველოს, ღმერთი იყოს ჩვენი მფარველი“, - განაცხადა სააკაშვილმა.

ავტორი: ,

სოციალური ქსელები

ფიშერი - ცოტა შეწუხებული ვარ პაპუაშვილის გამო, მას ან ნამდვილად არ ესმის, რას გულისხმობს ევროპა ან თავს აჩვენებს, რომ არ ესმის

რუსეთის მიერ უკრაინაში დადასტურებულმა დანაკარგებმა 350 000-ს გადააჭარბა

მოსკოვში გამარჯვების დღის აღლუმი ისტორიაში ერთ-ერთი ყველაზე მოკლე აღლუმი იყო

კობახიძემ ევროკავშირის ელჩს ტრაგიკული პიროვნება უწოდა, ჰერჩინსკიმ ლანძღვას უპასუხა