„თუკი ვინმე ვერ შემოვიდა საქართველოს ტერიტორიაზე, ამისთვის იქნება კანონიერი საფუძველი,“- ასე გამოეხმაურა შერიგებისა და სამოქალაქო თანასწორობის საკითხებში სახელმწიფო მინისტრი ქეთევან ციხელაშვილი რუსეთის 3 მოქალაქის საქართველოში არ შეშვების საკითხს. 

ციხელაშვილისთვის გასაკვირი არ არის, რომ "ოკუპანტი ქვეყნის კულტურის სამინისტრო, საქართველოში გარკვეული აქტივობების მართვას ცდილობს".

„ოკუპანტი ქვეყნის კულტურის სამინისტრო რომ რაღაცებს აქტიურობს, გასაკვირი არ არის. ჩემთვის საერთოდ უცნობი და გაუგებარია, რა პაემანზეა საუბარი რუსეთთან. რაც შეეხება პირების არშემოშვების ფაქტს, მე მაქვს სრული ნდობა ჩვენი სამართალდამცავი ორგანოების, რომ ისინი კანონის ჩარჩოში მოქმედებენ, შესაბამისად, თუკი ვინმე ვერ შემოვიდა საქართველოს ტერიტორიაზე, ამისთვის იქნება კანონიერი საფუძველი. რაც შეეხება რუსეთის სხვა მოქალაქეებს, მილიონ-ნახევარი ტურისტი ჩამოდის წლის განმავლობაში და არავის პრობლემა არ ექმნება. თუ კანონდარღვევაა, მაშინ სამართალდამცავი ორგანოები ყოველთვის კანონის შესაბამისად იმოქმედებენ“, - განაცხადა ქეთევან ციხელაშვილმა.

ცნობისთვის, რუსეთის 3 მოქალაქე, რომლებიც თბილისში „სპუტნიკის“ მიერ მხარდაჭერილ კინოფესტივალზე დასასწრებად ჩამოვიდნენ, ქვეყანაში არ შემოუშვეს. შს მინისტრის გიორგი გახარიას განცხადებით, მათ მიერ ოკუპაციის შესახებ კანონი იყო დარღვეული.

ავტორი: ,

სოციალური ქსელები

War Zone: ტაივანმა აშშ-სგან პირველი ორი F-16C Block 70 გამანადგურებელი მიიღო

Bloomberg: აშშ ტაივანის მახლობლად მდებარე კუნძულზე ხომალდსაწინააღმდეგო სარაკეტო სისტემას განათავსებს

რუსეთის ირკუტსკისრეგიონში ჭირის ინფექციის გამო საავადმყოფოში თითქმის 200 ადამიანია მოთავსებული

The Telegraph: ლაიფციგის აეროპორტის დივერსია რუსმა მოტოციკლისტმა დაგეგმა, რომელსაც ГРУ-სთან კავშირი ჰქონდა