„მე დამოუკიდებელი ვიყავი პრეზიდენტ მიხეილ სააკაშვილის დროს და დამოუკიდებელ პოლიტიკოსად დავრჩი, - ამის შესახებ „ქართული ოცნების“ მიერ მხარდაჭერილმა პრეზიდენტობის კანდიდატმა სალომე ზურაბიშვილმა DW-სთან ინტერვიუში განაცხადა.

როგორც ზურაბიშვილმა აღნიშნა, მისი დამოუკიდებლობის მანიშნებელია ის ფაქტიც, რომ საპრეზიდენტო არჩევნებზე არც ერთ პოლიტიკურ პარტიას არ წარმოადგენს.

„მე ყოველთვის დამოუკიდებელი კანდიდატი ვიყავი, მათ შორის წარსულშიც. არასდროს გადავსულვარ ერთი პარტიიდან მეორეში, რაც ქართველი პოლიტიკოსებისთვის საკმაოდ იშვიათი მოვლენაა. აქ ხალხს აქვს მიდრეკილება გადავიდნენ იქ, სადაც მათ მეტი კომფორტი ექნებათ. მე ვიყავი დამოუკიდებელი დეპუტატი, ასეთივე დამოუკიდებელი ვიყავი პრეზიდენტ მიხეილ სააკაშვილის დროს. სააკაშვილი მხარს მიჭერდა მაშინ, როდესაც საქართველოს საგარეო საქმეთა მინისტრი გავხდი. თუმცა მაშინ, როდესაც მისი პოლიტიკა ჩემს შეხედულებებს აღარ ემთხვეოდა, როდესაც მივხვდი, რომ არავინ აპირებს დემოკრატიის შენებას, მე დავანახე მას, რომ საქართველოში ჩამოვედი იმისათვის, რომ ევროპული ტიპის სახელმწიფო მეშენებინა. მიუხედავად ამისა, ყველაფერი სხვაგვარად წარიმართა და მე სხვა გზით წავედი. მე ისევ ვარ იმავე პოზიციაზე და ამის დასტურია, ისიც, რომ საკუთარი კანდიდატურა წარვადგინე, როგორც დამოუკიდებელმა კანდიდატმა და მმართველმა გუნდმა მხოლოდ ამის შემდეგ განაცხადა,  რომ მხარს დამიჭერს არჩევნებზე, მაშინ, როდესაც „ქართულ ოცნებას“ ჯერ კიდევ არ ჰქონდა გადაწყვეტილი წარადგინოს თუ არა საკუთარი კანდიდატი არჩევნებზე. მთელი ეს პროცესები მას შემდეგ დაიწყო, რაც მე არჩევნებში მონაწილეობის შესახებ განვაცხადე. ერთის მხრივ მე მხარი დამიჭირეს და ამისთვის მადლობელი ვარ, მეორე მხრივ ამ მხარდაჭერამ არ შემცვალა. დარწმუნებული ვარ, რომ იქნება შესაბამისი სიტუაცია რათა ვითანამშრომლოთ, რადგან მიმაჩნია, რომ ეს პრეზიდენტის ერთადერთი გზაა, ქვეყანა განავითაროს“, - განაცხადა ზურაბიშვილმა.

კითხვაზე - აკონტროლებს თუ არა ბიძინა ივანიშვილი ზურაბიშვილს, პრეზიდენტობის კანდიდატმა ასე უპასუხა:

„არავის და არასდროს გავუკონტროლებივარ, მთელი ჩემი ცხოვრების განმავლობაში“, - დასძინა სალომე ზურაბიშვილმა.

ავტორი: ,

სოციალური ქსელები

პეკინისა და ვაჟა-ფშაველას გამზირების კვეთიდან ჟვანიას მოედნის მიმართულებით მოძრაობა დროებით შეიზღუდება

რამზან კადიროვის შვილს ჩეჩნეთის რესპუბლიკის გმირის წოდება მიენიჭა

ე.წ ფასეულობების დაცვის მიზნით ოცნების პარლამენტი კანონპროექტის მიღებას აპირებს

ავალიანის საქმეზე იმნაძეს და ბერუაშვილს აღკვეთის სახით პატიმრობა შეუფარდეს