„შენების მოძრაობის“ ლიდერი დავით უსუფაშვილი, არჩევნების მეორე ტურში მხარს არც ერთს კანდიდატს არ დაუჭერს.

როგორც მან დღეს გამართულ პრესკონფერენციაზე განაცხადა, ამის მიზეზი ისაა, რომ საზოგადოების გამაერთიანებლის პოტენციალს ვერც ერთ მათგანში ვერ ხედავს.

„სამწუხაროდ, არც ვაშაძე-სააკაშვილი და არც ზურაბიშვილი-ივანიშვილი-ფარცხალაძე არ მაძლევს იმის საშუალებას, რომ რომელიმე მათგანს მე პოლიტიკური მხარდაჭერა გამოვუცხადო მეორე ტურში. ვერც ერთში ვერ ვხედავ საზოგადოების გამაერთიანებლის პოტენციალს და გუნდს მათ გუნდებში, რომელსაც საქართველოს მომავალს ვანდობ“, – აღნიშნა უსუფაშვილმა.

მისივე თქმით, უახლოეს მომავალში კონსულტაციებს გამართავს, რომ მომავალში ქვეყანამ კოალიციური ხელისუფლება და მრავალპარტიული პარლამენტი მიიღოს.

 „მივმართავ ოპოზიციონერ კოლეგებს, ნუ დამიწესებენ ოპოზიციური საქმიანობის სტანდარტებს. ერთმმართველი „ოცნება“ არ უნდა ჩაანაცვლოს ერთმმართველმა „ნაციონალურმა მოძრაობამ“ საითაც პროცესი მიექანება, თუ კონკრეტული ზომები არ იქნა მიღებული. უახლოეს მომავალში მექნება კონსულტაციები ბევრ ადამიანთან, საზოგადოების წარმომადგენლებთან, მათთან, ვინც დღემდე ვერ მოახერხა აქტიურ პოლიტიკურ ცხოვრებაში ჩართვა. დღეს უკვე არანაირი არგუმენტი არ მიიღება. ქვეყანა კრიზისულ ზღვარს უახლოვდება. ჩვენ უნდა მივიღოთ კოალიციური ხელისუფლება და მრავალპარტიული პარლამენტი“, – განაცხადა დავით უსუფაშვილმა.

ავტორი: ,

სოციალური ქსელები

პეკინისა და ვაჟა-ფშაველას გამზირების კვეთიდან ჟვანიას მოედნის მიმართულებით მოძრაობა დროებით შეიზღუდება

რამზან კადიროვის შვილს ჩეჩნეთის რესპუბლიკის გმირის წოდება მიენიჭა

ე.წ ფასეულობების დაცვის მიზნით ოცნების პარლამენტი კანონპროექტის მიღებას აპირებს

ავალიანის საქმეზე იმნაძეს და ბერუაშვილს აღკვეთის სახით პატიმრობა შეუფარდეს