„რუსთავი 2“-ის სარედაქციო პოლიტიკა დაფუძნებულია სიცრუეზე, სიძულვილზე და ამის არაერთი მაგალითი შემიძლია მოვიყვანო, - ამის შესახებ თბილისის მერმა კახა კალაძემ განაცხადა. 

როგორც კალაძემ აღნიშნა, მედიაპლურალიზმი და სიტყვის თავისუფლება არის მნიშვნელოვანი. მისივე შეფასებით, საქართველოში დღეს განსხვავებული აზრის გამოთქმა ნებისმიერ ადამიანს შეუძლია, თუმცა აქვე მერმა დასძინა, რომ არსებობს გარკვეული ზღვარი და პირადი შეურაცხყოფა მიუღებელია. 

კალაძე მიიჩნევს, რომ პოლიტიკოსები უნდა იყვნენ მაგალითი იმისა, რომ ზღვარგადასული შეურაცხყოფა დასრულდეს და აღარ იყოს.

„მერე რა, რომ საარჩევნო კამპანიაა, ყველაფერს აქვს თავისი წესი. არსებობს ჩარჩოები, რომელშიც ყველა უნდა მოვექცეთ. სამწუხაროა, რომ ამ ყველაფრის ავტორი არის „ნაციონალური მოძრაობა“. ისინი არიან ჩვეულ რეჟიმში, როგორც იყვნენ 2012 წელს. 2012 წლის შემდეგ, მსგავსი შეურაცხმყოფელი კამპანია არ მახსოვს“, - განაცხადა კახა კალაძემ. 

ავტორი: ,

სოციალური ქსელები

War Zone: ტაივანმა აშშ-სგან პირველი ორი F-16C Block 70 გამანადგურებელი მიიღო

Bloomberg: აშშ ტაივანის მახლობლად მდებარე კუნძულზე ხომალდსაწინააღმდეგო სარაკეტო სისტემას განათავსებს

რუსეთის ირკუტსკისრეგიონში ჭირის ინფექციის გამო საავადმყოფოში თითქმის 200 ადამიანია მოთავსებული

The Telegraph: ლაიფციგის აეროპორტის დივერსია რუსმა მოტოციკლისტმა დაგეგმა, რომელსაც ГРУ-სთან კავშირი ჰქონდა