აჭარაში 100 წელი კიდევ ერთ მოქალაქეს შეუსრულდა. ფატი მანელიშვილი ქობულეთის მუნიციპალიტეტის სოფელ ლეღვას მკვიდრია.

აჭარის ჯანდაცვის სამინისტროს ცნობით, იგი პროფესიით პედაგოგია, საგანმანათლებლო საქმიანობას 50 წლის განმავლობაში ეწეოდა. ჰყავს ერთი შვილი, ორი შვილიშვილი და ხუთი შვილთაშვილი.

უხუცეს ქალბატონს იუბილე აჭარის ა/რ ჯანმრთელობისა და სოციალური დაცვის მინისტრმა ზაალ მიქელაძემ და ქობულეთის მუნიციპალიტეტის მერმა მირიან ქათამაძემ მიულოცეს. მინისტრმა მანელიშვილს აჭარის ა/რ ჯანმრთელობისა და სოციალური დაცვის სამინისტროს პროგრამის ფარგლებში 1000 ლარი გადასცა.

„100 წელს გადაცილებულ მოქალაქეთა ერთჯერადი მატერიალური დახმარების“ პროგრამას სამინისტრო 2004 წლიდან ახორციელებს. 2014 წლამდე თითოეულ მოქალაქეზე 500 ლარი გაიცემოდა, 2014 წლის შემდეგ თანხის ოდენობა გაიზარდა და 1000 ლარს შეადგენს. ამჟამად აჭარაში 100 წლისა და 100 წელს გადაცილებული 36 მოქალაქე ცხოვრებს. ყველა მათგანი ქალბატონია. მიმდინარე წელს 100 წელი 9 მოქალაქეს შეუსრულდა.

(NS)

ავტორი: ,

სოციალური ქსელები

ტრამპსა და ზელენსკის შეხვედრის შემდეგ, შესაძლოა Patriot-ის წარმოების ლიცენზია უკრაინას გადაეცეს

აშშ-ის სანქციების გამო, თურქეთმა ირანთან საავიაციო და საბანკო ურთიერთობების გაწყვეტა დაიწყო

ევროკავშირმა, საფრანგეთისა და ლუქსემბურგის ზეწოლის ქვეშ, უსმანოვისა და ფრიდმანის წინააღმდეგ სანქციები მოხსნა

გერმანიაში, ამერიკულ საჰაერო ბაზაზე თვითმფრინავი ჩამოვარდა, პილოტი კატაპულტირების შემდეგ გადარჩა