ივანკა ტრამპი გაერო-ში ნიკი ჰეილის ჩანაცვლებას არ აპირებს

2018-10-10 10:45:06, 2523 ნახვა

მსოფლიო

ამერიკის შეერთებული შტატების პრეზიდენტის დონალდ ტრამპის შვილის ივანკა ტრამპის განცხადებით, ის გაერო-ში მუდმივი ელჩის თანამდებობის დაკავებას არ აპირებს.

შესაბამისი განცხადება ივანკა ტრამპმა Twitter-ის საკუთარ გვერდზე გაავრცელა.

"ჩემთვის დიდი პატივია თეთრ სახლში არაჩვეულებრივ კოლეგებთან ერთად მუშაობა. დარწმუნებული ვარ პრეზიდენტი გაერო-ში ნიკი ჰეილის ღირსეულ შემცვლელს ნახავს, თუმცა ეს მე არ ვიქნები", - წერს ივანკა ტრამპი.

მანამდე დონალდ ტრამპმა განაცხადა, რომ მისი შვილი გაერო-ში ელჩის პოსტზე შესანიშნავი იქნებოდა. მისივე თქმით ის სიამოვნებით დანიშნავდა ივანკას თანამდებობაზე, თუმცა მას ამის გამო ნეპოტიზმში დაადანაშაულებენ.

შეგახსენებთ, რომ გაერო-ში აშშ-ის ელჩის ადგილი ვაკანტური მას სემდეგ გახდა, რაც ნიკი ჰეილიმ თანამდებობა დატოვა. ამის შესახებ ოფიციალურად 9 ოქტომბერს გახდა ცნობილი. ნიკი ჰეილი და დონალდ ტრამპი ერთმანეთს ოვალურ კაბინეტში შეხვდნენ, რის შემდეგად დონალდ ტრამპმა განაცხადა, რომ ჰეილიმ გადადგომის თაობაზე ინფორმაცია ჯერ კიდევ 6 თვის წინ მიაწოდა. "იმედი მაქვს, რომ ერთ დღეს დაგვიბრუნდება, თანამდებობა შეუძლია თავად აირჩიოს", - განაცხადა ტრამპმა.

It is an honor to serve in the White House alongside so many great colleagues and I know that the President will nominate a formidable replacement for Ambassador Haley. That replacement will not be me.
— Ivanka Trump (@IvankaTrump) October 9, 2018