რუსი ოკუპანტების მიერ გატაცებული მაია ოთინაშვილი, სავარაუდოდ ნაცემია

2018-10-03 17:21:35, 978 ნახვა

რეგიონი

სოფელ ხურვალეთიდან რუსი ოკუპანტების მიერ გატაცებული მაია ოთინაშვილი, სავარაუდოდ ნაცემია.

ინფორმაციას "რადიო თავისუფლება" დაკავებულის დედაზე დაყრდნობით ავრცელებს.

გალინა ქალეხსაევას განცხადებით, ოჯახის წევრებსა და ნათესავებს დაკავებულის ნახვის უფლებას არ აძლევენ. ამასთან ის შესაძლოა ნაცემი იყოს, რადგან დედის თქმით, მაია ოთინაშვილმა გამტაცებლებს წინააღმდეგობა გაუწია. ქალეხსაევა ვარაუდობს, რომ იზოლატორში მისი შვილის ყოფნა სწორედ ამ მიზეზით ჭიანურდება.

შეგახსენებთ, რომ 37 წლის მაია ოთინაშვილი სოფელ ხურვალეთიდან 29 სექტემბერს გაიტაცეს. 2 ოქტომბერს ე.წ. სამხრეთ ოსეთის დე-ფაქტო რესპუბლიკის წარმომადგენლებმა განაცხადეს, რომ „ლენინგორის სასამართლომ“ ოთინაშვილს ორთვიანი წინასწარი პატიმრობა შეუფარდა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები