შუახევში ფერების ფესტივალი გაიმართა

2018-10-01 11:09:15, 1003 ნახვა

რეგიონი

შუახევში ფერების ფესტივალი გაიმართა. ფესტივალი ფერადი კონცერტების სერიის ფარგლებში ჩატარდა და მასში მონაწილეობა ახალგაზრდებმა მიიღეს.

იმ დროს როცა ახალგაზრდები ერთმანეთს აფერადებდნენ, შუახევის კულტურის ცენტრის ეზოში საგანგებოდ მოწყობილ სცენაზე მომღერალი, იქსფაქტორის ერთ-ერთი გამორჩეული მონაწილე მალიბუ, ბენდი ,,ერთად“ და ადგილობრივი შემსრულებლები გამოდიოდნენ.

ფერების ფესტივალი - იგივე ,,Holi", დასაბამს ინდოეთიდან იღებს. ტრადიციის მიხედვით, ათი ათასობით ინდოელი ფერადი ფხვნილებისგან შემდგარი ულამაზესი სანახაობით გაზაფხულის მოსვლას ეგებება.,,Holi" დროთა განმავლობაში პოპულარული მთელ მსოფლიოში გახდა და მას საქართველოც შეუერთდა.

ღონისძიება შუახევის მერიის განათლების, კულტურის, სპორტის, ტურიზმისა და ახალგაზრდობის სამსახურის ინიციატივით ჩატარდა.

(NS)

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები