კობახიძე კანაფის კანონპროექტზე: საპატრიარქოსთან კონსულტაციებს გავმართავთ

2018-09-17 12:17:49, 2624 ნახვა

კომენტარი

პარლამენტის თავმჯდომარის ირაკლი კობახიძის განცხადებით, მარიხუანის კანონპროექტთან დაკავშირებით, „ქართული ოცნება“ ფართო კონსულტაციებს გამართავს.

კობახიძემ დასძინა, რომ კონსულტაციები საპატრიარქოსთანაც შედგება.

„საპატრიარქოს წარმომადგენლებთან შეხვედრები გვქონდა, ეს კონსულტაციები გაგრძელდება და ამის საფუძველზე მივიღებთ გადაწყვეტილებას. მნიშვნელოვანია, მათი ინფორმირება ამ რეგულაციების თაობაზე. ასეთი კონსულტაციების საფუძველზე მივიღებთ გადაწყვეტილებას. ნაჩქარევ გადაწყვეტილებებს არავითარ შემთხვევაში არ მივიღებთ. საკონსტიტუციო სასამართლოს გადაწყვეტილებიდან გამომდინარე, ვაკუუმია დარჩენილი და ჩვენი ამოცანაა ამ ვაკუუმის სასწრაფოდ აღმოფხვრა. შესაბამისად, მომდევნო სასესიო კვირიდან დაიწყება იმ კანონპროექტის განხილვა, რომელიც შეეხება საქართველოში მარიხუანის მოხმარების რეგლამენტაციას და საუბარია მკაცრ რეგლამენტაციაზე“, - განაცხადა ირაკლი კობახიძემ.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები