თბილისის საქალაქო სასამართლომ თავდაცვის სამინისტროს 5 თანამშრომლის საქმეზე დაცვის მხარის შუამდგომლობა დააკმაყოფილა.

ამის შესახებ ინფორმაცია „თავისუფალი დემოკრატების“ ვებგვერდზე გავრცელდა.

მათივე ცნობით, თბილისის საქალაქო სამამართლოს მოსამართლემ დავით ჯუღელმა გაიზიარა ე.წ. კაბელების საქმეზე ბრალდებულების ადვოკატის პოზიცია და ბრალდების მხარის მტკიცებულება, რომელიც ეხებოდა სასაქონლო და საინჟინრო ექსპერტიზას, საქმეში დაუშვებლად ცნო. 

დაცვის მხარის განცხადებით, სასაქონლო და საინჟინრო ექსპერტიზა იყო მთავარი მტკიცებულება, რომელსაც ბრალდების მხარე ეყრდნობოდა.

„სასამართლომ პროკურატურის არცერთი მტკიცებულება დასაშვებად არ სცნო. პროკურატურას საქმე ფაქტობრივად ჩამოეშალა. სასამართლოს ამ გადაწყვეტილებამ, კიდევ ერთხელ დაადასტურა, ის, რასაც "თავისუფალი დემოკრატები" პირველივე დღიდან ვამტკიცებდით. ბრალდებას საფუძველი არ აქვს, შესაბამისად თავდაცვის სამინისტროს ხუთივე მაღალჩინოსანი უდანაშაულოა“, - ნათქვამია „თავისუფალი დემოკრატების“ განცხადებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რომის პაპი ჟურნალისტებს - მიხარია, რომ აქ ხართ, კარგი გაშუქება ყველგან და ყველასთვის მნიშვნელოვანია

თიბისი კონცეპტის მხარდაჭერით ამირ კაკაბაძის საიუბილეო წიგნი გამოიცა

Transparency International Georgia - მიხეილ სააკაშვილის სახელი შეტანილი იქნება ჩვენი ორგანიზაციის მიერ შედგენილი პოლიტიკური პატიმრების სიაში

რუსეთი სამშენებლო კომპანიების გაკოტრების ტალღამ მოიცვა