„თუ ზედოზირების ფაქტი დაფიქსირდა, გამოიძახეთ სასწრაფო დახმარება“ - სერგეენკო მოსახლეობას აფრთხილებს

2018-08-31 16:34:18, 1249 ნახვა

კომენტარი

ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი დავით სერგეენკო მოსახლეობას ურჩევს, ნარკოტიკით ინტოქსიკაციის, მათ შორის ზედოზირების შემთხვევაში სასწრაფო დახმარების ბრიგადა დაუყოვნებლივ გამოიძახოს.

როგორც სერგეენკომ განმარტა, 2014-2015 წლებში ხელისუფლებამ გააუქმა ის ვალდებულება, რომლის თანახმადაც ზედოზირების შემთხვევაში სამედიცინო დაწესებულება ან სასწრაფო დახმარების ჯგუფი საპატრულო პოლიციას აწვდიდა ინფორმაციას.

"ზედოზირების შემთხვევაში მკურნალობას არც სადაზღვევო პაკეტები და არც საყოველთაო ჯანდაცვა არ აფინანსებდა, ეს რეგულაციაც გავაუქმეთ. არ მინდა, რომ ეს მდგომარეობა ვინმეს დაუდგეს, მაგრამ თუ ფაქტი დაფიქსირდა, არც კი დაფიქრდეთ, იმ წამსვე გამოიძახეთ სასწრაფო დახმარება”, - განაცხადა დავით სერგეენკომ.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები