"ეს არის ყველაფერი სიაფანდობა. არავითარი ნაფიცი მსაჯული, მკვლელი უნდა გასამართლდეს მოსამართლის მიერ",-ამის შესახებ მოკლული ლაშა მახარაძის დედამ თბილისის საქალაქო სასამართლოში მას შემდეგ განაცხადა, რაც ნაფიცმა მსაჯულებმა მახარაძის მკვლელობის საქმეზე ვერდიქტი ვერ გამოიტანეს.

როგორც ნინო დუმბაძემ აღნიშნა, ბრალდებული ოქროპირიძე მოსამართლის მიერ უნდა გასამართლდეს, რადგან ნაფიც მსაჯულებს ის აშინებს.

"ეს არის ყველაფერი სიაფანდობა. არავითარი ნაფიცი მსაჯუი, მკვლელი უნდა გასამართლდეს მოსამართლის მიერ, არ მაინტერესებს მე რას ითხოვს ორჯერადი მკვლელი. მანიაკი ოქროპირიძე რომ  აშინებს ნაფიცმსაჯულებს, რომ ვერდიქტი ვერ გამოაქვთ, 24 საათი ვდგავართ აქ, ხალხნო, ეს ვერ გავიგე რა სახელმწიფოა, რა ბიძინა,  ვინ ბიძინა, გომელაური,  ვინ არიან საერთოდ და სად ვცხოვრობთ ვერ გავიგე",-განაცხადა  ნინო დუმბაძემ.

როგორც აღვნიშნეთ, ნაფიცმა მსაჯულებმა ლაშა მახარაძის მკვლელობის საქმეზე ვერდიქტი ვერ გამოიტანეს. 12 საათიანი ფიქრის შემდეგ მოსამართლემ მათ გონივრულ ვადად კიდევ ერთი საათი განუსაზღვრა, თუმცა გადაწყვეტილება მაინც ვერ მიიღეს.

იმ შემთხვევაში, როცა ნაფიცი მსაჯულები ვერდიქტს ვერ აცხადებენ, მოსამართლე  ახალი შემადგენლობის ასარჩევად სხდომას  ჩანიშნავს და საქმეზე  განხილვები ხელახლა დაიწყება.

შეგახსენებთ, გამოძიების ინფორმაციით,   გიორგი ოქროპირიძემ 2 სექტემბერს, ღამით, ვაკეში, აბაშიძის ქუჩაზე ცეცხლსასროლი იარაღიდან გასროლით რამდენიმე ჭრილობა მიაყენა ლაშა მახარაძეს,  რომელიც საავადმყოფოში გარდაიცვალა, ბრალდებული კი,  შემთხვევის ადგილიდან მიიმალა.

გიორგი ოქროპირიძე  ოკუპირებული ცხინვალის რეგიონის ტერიტორიაზე  ე.წ. საზღვრის უკანონო გადაკვეთის ბრალდებით ცხინვალის რეგიონის დე-ფაქტო წარმომადგენლებმა დააკავეს და 12 სექტემბერს სოფელ ერგნეთში ქართულ მხარეს გადმოსცეს.

გამოძიება დამამძიმებელ გარემოებაში განზრახ მკვლელობის და ცეცხლსასროლი იარაღის მართლსაწინააღმდეგო შეძენა-შენახვისა და ტარების ფაქტებზე მიმდინარეობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რომის პაპი ჟურნალისტებს - მიხარია, რომ აქ ხართ, კარგი გაშუქება ყველგან და ყველასთვის მნიშვნელოვანია

თიბისი კონცეპტის მხარდაჭერით ამირ კაკაბაძის საიუბილეო წიგნი გამოიცა

Transparency International Georgia - მიხეილ სააკაშვილის სახელი შეტანილი იქნება ჩვენი ორგანიზაციის მიერ შედგენილი პოლიტიკური პატიმრების სიაში

რუსეთი სამშენებლო კომპანიების გაკოტრების ტალღამ მოიცვა