2018-08-03 17:04:24, 919 ნახვა
რეგიონი
მასშტაბური სპეცოპერაცია სტამბოლში - ტერორიზმთან კავშირის ბრალდებით 38 პირი დააკავეს
სტამბულში მასშტაბური სპეცოპერაციის შედეგად სამართალდამცველებმა ტერორიზმთან კავშირის ბრალდებით 38 ადამიანი დააკავეს, - ამის შესახებ Anadolu იუწყება.
მედია საშუალების ინფორმაციით, ყველა დაკავებული უცხო ქვეყნის მოქალაქეა, თუმცა უცნობია, რომელი ქვეყნის მოქალაქეები არიან ისინი. სპეცოპერაცია 12 სხვადასხვა ლოკაციაზე მიმდინარეობდა.
მედიის ცნობით, დაკავებულებს მჭიდრო კავშირი აქვთ "ისლამურ სახელმწიფოსთან".
გამოძიებით დადგინდა, რომ დაკავებულები სტამბოლის ხალხმრავალ ადგილებში ტერაქტების მოწყობას გეგმავდნენ. მათი საცხოვრებელი სახლებიდან სამართალდამცველებმა ISIS-ის პროპაგანდისტული დოკუმენტაცია და ციფრული მასალები ამოიღეს.
![]()
ავტორი: ,
epn.ge (@expressnews.ge)
