ოკუპირებული სამხრეთ ოსეთის დე-ფაქტო პრეზიდენტის ანატოლი ბიბილოვის განცხადებით, სირიის ლიდერი ბაშარ ასადი რეგიონში ჩასვლას აპირებს, - ამის შესახებ ინფორმაციას "სპუტნიკ-ოსეტია" ავრცელებს. 

როგორც ბიბილოვმა აღნიშნა, ასადის გადაწყვეტილება რეგიონის ე.წ. დამოუკიდებლობა აღიაროს პოლიტიკური გმირობის ტოლფასია. 

„შეძლებს თუ არა ბაშარ ასადი ცხინვალში დამოუკიდებლობის 10 წლისთავის აღსანიშნავ ღონისძიებაზე ჩამოსვლას, ჯერ უცნობია. მაგრამ ის, რომ პრეზიდენტი ცხინვალში აუცილებლად ჩამოვა, ეჭვგარეშეა. როცა მას ვემშვიდობებოდი, მითხრა: „შეხვედრამდე სამხრეთ ოსეთში“, - განაცხადა ბიბილოვმა.

ცნობისთვის, ცხინვალის მარიონეტული რეჟიმის წარმომადგენელი დამასკოში "ოფიციალური ვიზიტით" იმყოფებოდა და სირიის პრეზიდენტ ბაშარ ასადს შეხვდა. ანატოლი ბიბილოვმა ასადს საჩუქრად ხანჯალი და ე.წ. სამხრეთ ოსეთის დე-ფაქტო ჯილდო გადასცა. 

შეგახსენებთ, სირიამ საქართველოს ოკუპირებული რეგიონების დამოუკიდებლობა 29 მაისს აღიარა. საქართველომ თავის მხრივ სირიასთან დიპლომატიური ურთიერთბები გაწყვიტა. 

ავტორი: ,

სოციალური ქსელები

ტრამპსა და ზელენსკის შეხვედრის შემდეგ, შესაძლოა Patriot-ის წარმოების ლიცენზია უკრაინას გადაეცეს

აშშ-ის სანქციების გამო, თურქეთმა ირანთან საავიაციო და საბანკო ურთიერთობების გაწყვეტა დაიწყო

ევროკავშირმა, საფრანგეთისა და ლუქსემბურგის ზეწოლის ქვეშ, უსმანოვისა და ფრიდმანის წინააღმდეგ სანქციები მოხსნა

გერმანიაში, ამერიკულ საჰაერო ბაზაზე თვითმფრინავი ჩამოვარდა, პილოტი კატაპულტირების შემდეგ გადარჩა