„აღსანიშნავია, რომ სამიტის დასრულებიდან ერთი კვირაც არ არის გასული და ქართული მხარე უკვე იწყებს კონკრეტული ნაბიჯების და წინადადებების შემუშავებას ალიანსთან თანამშრომლობის კიდევ უფრო გაღრმავების და ნატო-ში ინტეგრაციის პროცესში უფრო მეტი წინგადაგმული ნაბიჯის მისაღწევად",- ამის შესახებ საქართველოს წარმომადგენელმა ნატო-ში, ალექსანდრე მაისურაძემ პრემიერ-მინისტრ მამუკა ბახტაძის ბრიუსელში ვიზიტის განსაკუთრებულ მნიშვნელობაზე საუბრისას განაცხადა.

მთავრობის მეთაური პირველი სამუშაო ვიზიტით ბელგიის სამეფოს დღეს ეწვევა. ალექსანდრე მაისურაძის განცხადებით, ძალიან მნიშვნელოვანია, რომ მინისტრთა კაბინეტის დამტკიცების შემდეგ პირველი ვიზიტი, სწორედ, ბრიუსელში იმართება.

„ევროატლანტიკური და  ევროპული ინტეგრაცია საქართველოს საგარეო პოლიტიკის უმთავრესი პრიორიტეტია. ძალიან მნიშვნელოვანია, რომ ახალი მინისტრთა კაბინეტის დამტკიცების შემდეგ პირველი ვიზიტი ბრიუსელში იმართება. დაგეგმილია შეხვედრები, როგორც ნატო-ს შტაბბინაში, ისე ევროკავშირის მიმართულებით ძალიან მაღლ დონეზე. აღსანიშნავია, რომ პრემიერ-მინისტრს ექნება საშუალება ნატო-ს გენერალურ მდივანთან განიხილოს ყველა მნიშვნელოვანი საკითხი, საკითხთა ფართო სპექტრი, რომელიც გვაქვს ნატო-ში ინტეგრაციის პროცესში",- განაცხადა ალექსანდრე მაისურაძემ.

ავტორი: ,

სოციალური ქსელები

უნგრეთის ყოფილ საგარეო მინისტრს შესაძლო მექრთამეობისთვის სამ წლამდე თავისუფლების აღკვეთა ემუქრება

შეერთებულმა შტატებმა სანქციები დააწესა საქართველოში დაფუძნებული კრიპტო კომპანია SHPS Shelbit-ის წინააღმდეგ

ფაშინიანმა და ტრამპმა ტელეფონით ისაუბრეს TRIPP პროექტის მიმდინარე მდგომარეობაზე.

რუბიო: აშშ-მ TRIPP-ისა და შუა დერეფნის განვითარებისთვის 201 მილიონი დოლარი გამოყო