ოკუპირებულმა აფხაზეთმა "ოთხოზორია-ტატუნაშვილის სიის" საპასუხოდ ე.წ. შავი სია შეიმუშავა, - ამის შესახებ ადგილობრივი მედია იუწყება. 

აღნიშნული სია "რესპუბლიკურმა საზოგადოებრივმა ორგანიზაციამ"  შეადგინა. "დოკუმენტი" დე-ფაქტო პარლამენტსა და მთავრობას დღეს გადაეგზავნა.

ოკუპირებული რეგიონის ე.წ. შავ სიაში სულ 26 პირია შეყვანილი. 

"ქართული მხარის მიერ სასანქციო სიის შექმნა უსაფუძვლო და უარგუმენტოა. აღნიშნული სია მიმართულია ჩვენი ომის ვეტერანების წინააღმდეგ. ამიტომ, მიგვაჩნია, რომ უნდა შევქმნათ ჩვენი სასანქციო სია, რათა მასში შევიყვანოთ ყველა ის პირი, რომელიც ჩვენი ხალხის მკვლელობასა და გატაცებაშია დამნაშავე. ეს გზა, რომელიც ქართულმა მხარემ აირჩია ხელს არ უწყობს კონფლიქტის მშვიდობიანი გზით მოგვარებას. სანქციები და ბლოკადა ჩვენთვის არ არის სიახლე. საქართველოს მოთხოვნით ევროკავშირის ყველა ქვეყანა უკვე 20 წლის განმავლობაში სრულ იზოლაციაში გვამყოფებს", - ნათქვამია "ორგანიზაციის" მიმართვაში.

მიმართვაში ასევე აღნიშნულია, რომ ე.წ. შავ სიას "ხიშბა-სიგუას სია" უნდა ეწოდოს. მათივე განმარტებით, აღნიშნული პირები "ქართულმა სპეცსამსახურებმა გაიტაცეს". 

ე.წ. შავი სია შეყვანილი არიან:

თავდაცვის ყოფილი მინისტრი ბაჩო ახალაია, სამხედრო პოლიციის ყოფილი ხელმძღვანელი იოსებ ახალაია, უშიშროების ყოფილი მინისტრი ირაკლი ბათიაშვილი, ქართული შეიარაღებული ფორმირების „ტყის ძმების“ ლიდერი სლავიკ ბიგვავა, ამავე ფორმირების წევრები - ავთანდილ ბულისკერია და რობერტ გამისონია, სამხედრო შტაბის ყოფილი ხელმძღვანელი ზაზა გოგავა, შინაგან საქმეთა სამინისტროს თანამშრომელი ბეჟან გოლანძია, თავდაცვის ყოფილი მინისტრი ირაკლი ოქრუაშვილი, შსს-ს თანამშრომელი ზაზა კაკულია, საქართველოს თავდაცვის სამინისტროს სამხედრო პოლიციის დეპარტამენტის ყოფილი უფროსი მეგის ქარდავა, გიორგი კარკარაშვილი, თავდაცვის ყოფილი მინისტრი დავით კეზერაშვილი, თავდაცვის ყოფილი მინისტრი თენგიზ კიტოვანი, გენერალი მამუკა ყურაშვილი, იუსუფ ლაკაევი, შს მინისტრი ვანო მერაბიშვილი, გენერალი (2008 წლის აგვისტოს ომის გმირი) დავით ნოირაშვილი, ფორმირების წევრები - ემზარ პონიავა, ალიკ სამუშია, ომარ ხარჩილავა, დავით შენგელია, საქართველოს ყოფილი პრეზიდენტი მიხეილ სააკაშვილი, შსს-ს თანამშრომელი ბესიკ თოფურია, შსს-ს ყოფილი თანამშრომლები - მანუჩარ ჩანგელია და რომან შამათავა.

ავტორი: ,

სოციალური ქსელები

უნგრეთის ყოფილ საგარეო მინისტრს შესაძლო მექრთამეობისთვის სამ წლამდე თავისუფლების აღკვეთა ემუქრება

შეერთებულმა შტატებმა სანქციები დააწესა საქართველოში დაფუძნებული კრიპტო კომპანია SHPS Shelbit-ის წინააღმდეგ

ფაშინიანმა და ტრამპმა ტელეფონით ისაუბრეს TRIPP პროექტის მიმდინარე მდგომარეობაზე.

რუბიო: აშშ-მ TRIPP-ისა და შუა დერეფნის განვითარებისთვის 201 მილიონი დოლარი გამოყო