ხორავას ქუჩის საქმის პროკურორი, ზვიად ფხაკაძე აცხადებს, რომ გუშინ, როდესაც საგამოძიებო კომისიას ახსნა-განმარტებებს აძლევდა, მობილურ ტელეფონზე მუქარის შემცველი შეტყობინებები მიიღო.

ამის შესახებ ფხაკაძემ პარლამენტში განაცხადა, სადაც მისი და შსს-ს წარმომადგენლის, კახა სირაძის გამოკითხვა გრძელდება.

„გუშინ, როდესაც მე კომისიას ვაძლევდი ახსნა-განმარტებას, ჩემს კუთვნილ მობილურ ტელეფონზე შემოვიდა მუქარის შემცველი ტექსტები, რაც უკავშირდებოდა აშკარად ჩემს საპროკურორო საქმიანობას და ასევე კავშირში იყო იმ ახსნა-განმარტებების შინაარსთან დაკავშირებით, რასაც მე კომისიას ვაძლევდი. აღნიშნულთან დაკავშირებით მე მივმართე შესაბამისი მოხსენებით კომპეტენტურ პირს და მოხდება შესაბამისი რეაგირება. უბრალოდ მინდა იცოდეთ, რომ ჩემს მიერ ახსნა-განმარტების მიცემის პროცესი ხორციელდება გარკვეული პირების მხრიდან კონკრეტული მუქარის შემცველი ტექსტების ქვეშ“, - განაცხადა ფხაკაძემ.

რაც შეეხება შეტყობინებების შინაარს, პროკურორმა აღნიშნა, რომ თუ კომისიის რომელიმე წევრი დაინტერესდება, შეტყობინებებს დახურულ სხდომაზე აჩვენებს.

„რაც შეეხება შინაარსობრივ მხარეს, თუ კომისიის რომელიმე წევრი დაინტერესდება, მე შემიძლია ვაჩვენო ჩემს მობილურ ტელეფონში არსებული მუქარის შემცველი ტექსტები, თუმცა რადგან ეს არის პირადი შეურაცხყოფის შინაარსის, შემიძლია დახურულ სხდომაზე წარმოგიდგინოთ“, - განაცხადა ზვიად ფხაკაძემ.

ამ განცხადების შემდეგ, კომისიის მდივანმა ოთარ კახიძემ განაცხადა, რომ პროკურორის მიერ გაჟღერებული ინფორმაციის შესწავლა მნიშვნელოვანია. მისი თქმით, საკითხს შესვებამდე, დახურულ ფორმატში განიხილავენ.

ამის შემდეგ პროკურორმა ზვიად ფხაკაძემ კიდევ ერთი კომენტარი გააკეთა:

„რატომღაც ისეთი შთაბეჭდილება დამრჩა, რომ მნიშვნელოვნად არ იქნა აღქმული, ეს ჩემი შეფასებაა. ეს მუქარა ხდებოდა აშკარად ბატონი ზაზა სარალიძის მიერ“, - აღნიშნა ფხაკაძემ.

ავტორი: ,

სოციალური ქსელები

პაპუაშვილი - ვერ მივიღებთ ჩვენი ისტორიის გადაწერისკენ მიმართულ კამპანიებს, ეს დევს მოწოდებებში, რომ 9 მაისი აღინიშნოს 8 მაისს, 9 მაისი „რუსულია“, რვა - „ევროპული“, ეს არჩევანი ყალბია

Amnesty International -მხოლოდ ეს ხუთი დაპატიმრება ნაკლებად ცვლის დაუსჯელობის უფრო ფართო სურათს საქართველოში

საფრანგეთში ჰანტავირუსით ინფიცირებულ პირებთან კონტაქტში მყოფი რვა ადამიანი კარანტინში მოათავსეს

ზელენსკის განკარგულებით, უკრაინის დარტყმის გეგმიდან მხოლოდ წითელ მოედანს გამორიცხავს