მოქალაქეთა მაღალი აქტივობის ფონზე თურქეთის საპრეზიდენტო და საპარლამენტო არჩევნები დასრულდა. ყველა უბანი ამ დროისთვის დაიხურა და მიმდინარეობს ხმების დათვლა. 

ხმის მიცემის პროცესი ადგილობრივი დროით 17:00 საათზე შეწყდა. თურქეთის უმაღლესი საარჩევნო საბჭოს ინფორმაციით, პირველ ეტაპზე საპრეზიდენტო არჩევნების ბიულეტენები დაითვლება.

ექსპერტები ამბობენ, რომ კანდიდატებს გამარჯვების თანაბარი შანსები აქვთ და არჩევნების შედეგების პროგნოზირება რთულია. ბოლო რამდენიმე დღის განმავლობაში ოპოზიციურმა "რესპუბლკურმა პარტიამ" მოხმრეთა უცპრეცედენტო რაოდენობის შეკრება და მობილიზება მოახერხა.

არჩევნებში მონაწილეობას სულ 56 მილიონზე მეტი ადამიანი მიიღებს. აღსანიშნავია, რომ თურქეთის მოქალაქეები, რომლებიც საზღვარგარეთ იმყოფებიან საკუთარი პოზიცია 7-დან 19 ივნისამდე დააფიქსირეს.

თურქეთის პრეზიდენტობისთვის 6 კანდიდატი იბრძოლებს: მათ შორის მოქმედი პრეზიდენტი, "სახალხო ალიანსის" კანდიდატი რეჯეპ ტაიფ ერდოღანი, რესპუბლიკური პარტიის კანდიდატი მუხარემ ინდჟე და დემოკრატიული პარტიის კანდიდატი სელახატინ დემირტაში, რომელიც ამჟამად პატიმრობაში იმყოფება.

გარდა ამისა, 100 ათასი ხელმოწერის საფუძველზე არჩევნებში კენჭს კიდევ 3 კანდიდატი იყრის. ესენი არიან: İYİ Parti-ს წარმომადგენელი მერალ აქშენარი, Saadet Partisi-ს თავმჯდომარე ტემელ კარამალაოგლუ და Vatan Partisi-ს ხელმძღვანელი დოგუ პერინჩეკი. აღსანიშნავია, რომ 6 კანდიდატიდან ერთ-ერთი ქალია.

ავტორი: ,

სოციალური ქსელები

უნგრეთის ყოფილ საგარეო მინისტრს შესაძლო მექრთამეობისთვის სამ წლამდე თავისუფლების აღკვეთა ემუქრება

შეერთებულმა შტატებმა სანქციები დააწესა საქართველოში დაფუძნებული კრიპტო კომპანია SHPS Shelbit-ის წინააღმდეგ

ფაშინიანმა და ტრამპმა ტელეფონით ისაუბრეს TRIPP პროექტის მიმდინარე მდგომარეობაზე.

რუბიო: აშშ-მ TRIPP-ისა და შუა დერეფნის განვითარებისთვის 201 მილიონი დოლარი გამოყო