„ჩვენ გვეყოლება ახალგაზრდა პრემიერ-მინისტრი ძველმოდური იდეებით“, - ამის შესახებ პარტია „ერთიანი ნაციონალური მოძრაობის“ წევრმა რომან გოცირიძემ ჟურნალისტებთან საუბრისას განაცხადა.

გოცირიძე მიიჩნევს, რომ პრემიერ-მინისტრობის კანდიდატის მამუკა ბახტაძის მიერ წარდგენილი ეკონომიკური პროგრამა უკან გადადგმული ნაბიჯია.

„ჩვენ გვეყოლება ახალგაზრდა პრემიერ მინისტრი ძველმოდური იდეებით. ის ეკონომიკური პროგრამა რომელიც მან გაგვაცნო, ეს არის უკუ გადადგმული ნაბიჯი და უკან დახევა იმ პრინციპებიდან რომელიც შეიქმნა საქართველოში ვარდების რევოლუციის შემდეგ და რომელმაც საქართველოს ეკონომიკა დააყენა ფეხზე. ექვსი წლის განმავლობაში ხდებოდა რევიზია ამ ეკონომიკური მოდელისა და ბოლო იდეებით თავისი გამოსვლებით წერტილი დაუსვა ახალმა პრემიერ მინისტრმა და ახალი მთავრობა ფაქტობრივად იქნება სოციალისტური იდეების მატარებელი, რომელიც კიდევ უფრო გააღრმავებს ეკონომიკაში პრობლემებს“, - აცხადებს რომან გოცირიძე.

ცნობისთვის, პარლამენტის რიგგარეშე სხდომაზე დღეს სამთავრობო პროგრამას და მთავრობის შემადგენლობისთვის ნდობის გამოცხადების საკითხს განიხილავენ, რის შემდეგაც კენჭისყრა გაიმართება. ნდობის გამოცხადებისთვის სულ მცირე 75 დეპუტატის მხარდაჭერაა საჭირო.

ავტორი: ,

სოციალური ქსელები

სტამბოლში სტენდაფ კომიკოსი ერდოღანზე ხუმრობის გამო დააკავეს

რუსეთის ბენზინგასამართ სადგურებზე რიგები ახლა კოსმოსიდანაც ჩანს

ნავთობგადამამუშავებელი ქარხნების დაბომბვებმა ნავთობისა და გაზის ბიუჯეტის შემოსავლები ტრილიონი რუბლით შეამცირა

ოკუპირებული ცხინვალის რეგიონის „საპრეზიდენტო“ არჩევნების ე.წ. ვადამდელი თარიღად 18 სექტემბერი დადგინდა