გვითხრეს, რომ საქმეს წამების მუხლი დაემატა, შსს-ს მადლიერი ვარ, – ამის შესახებ არჩილ ტატუნაშვილის მამამ, გიორგი ტატუნაშვილმა ლევან სამხარაულის სახელობის სასამართლო ექსპერტიზის ეროვნულ ბიუროში შეხვედრის დასრულების შემდეგ ჟურნალისტებს განუცხადა.

 მისი თქმით, გამოძიების ობიექტურობაში ეჭვი არ ეპარება.

„მე მქონდა კითხვები შუბლის და ცხვირის შესახებ. გვითხრეს, რომ ადგილი არ ჰქონია ტექნიკურ დაზიანებებს. გვითხრეს, რომ საქმეს წამების მუხლი დაემატა. შინაგან საქმეთა სამინისტრო თავიდანვე დამპირდა, რომ გვერდში დამიდგებოდა და მათი მადლიერი ვარ. დღესაც შეხვედრას ესწრებოდა შსს-ს წარმომადგენელი. შსს სულ ჩემ გვერდითაა. გამოძიების ობიექტურობაში ეჭვი არ მეპარება. გვითხრეს და გაგვარკვიეს, რომ ნატყვიარი შუბლზე არ ჰქონია“, – განუცხადა ჟურნალისტებს გიორგი ტატუნაშვილმა.

ცნობისთვის, ლევან სამხარაულის სახელობის სასამართლო ექსპერტიზის ეროვნული ბიუროს მიერ, არჩილ ტატუნაშვილის ცხედარზე ჩატარებული ექსპერტიზის სამედიცინო დასკვნაში,  სხეულზე 100-მდე დაზიანებაა აღწერილი.

ასევე, შს მინისტრის მოადგილე ნათია მეზვრიშვილმა დღეს განაცხადა, რომ არჩილ ტატუნაშვილის საქმის გამოძიებას წამების კვალიფიკაცია დაემატა.

შეგახსენებთ, რომ 22 თებერვალს, საოკუპაციო რეჟიმმა საქართველოს 3 მოქალაქე - არჩილ ტატუნაშვილი, ლევან ქუტაშვილი და იოსებ პავლიაშვილი, ახალგორში დააკავა. 23 თებერვალს კი ცნობილი გახდა, რომ არჩილ ტატუნაშვილი გაურკვეველ ვითარებაში გარდაიცვალა. 

არჩილ ტატუნაშვილის ცხედარი ოკუპირებული ცხინვალიდან 2018 წლის 20 მარტს გადმოასვენეს.

ავტორი: ,

სოციალური ქსელები

სტამბოლში სტენდაფ კომიკოსი ერდოღანზე ხუმრობის გამო დააკავეს

რუსეთის ბენზინგასამართ სადგურებზე რიგები ახლა კოსმოსიდანაც ჩანს

ნავთობგადამამუშავებელი ქარხნების დაბომბვებმა ნავთობისა და გაზის ბიუჯეტის შემოსავლები ტრილიონი რუბლით შეამცირა

ოკუპირებული ცხინვალის რეგიონის „საპრეზიდენტო“ არჩევნების ე.წ. ვადამდელი თარიღად 18 სექტემბერი დადგინდა