თეთრი სახლი ამერიკის შეერთებული შტატების პრეზიდენტის დონალდ ტრამპის და რუსეთის ლიდერის ვლადიმერ პუტინის შეხვედრას ამზადებს, - ამის შესახებ The Wall Street Journal სანდო წყაროზე დაყრდნობით იუწყება.

მედია საშუალების ინფორმაციით, პარასკევს ამერიკის ელჩი რუსეთში ჯონ ჰუნტსმანი ვაშინგტონში იმყოფებოდა, რათა პრეზიდენტების შეხვედრის დაგეგმვაში მიეღო მონაწილეობა.

წყაროს განცხადებით, შეხვედრის დაგეგმვის პროცესი ჯერ ადრეულ სტადიაზეა, რადგან ქვეყნები ჩატარების ადგილსა და თარიღზე უნდა შეთანხმდნენ.

მედიის ცნობით, პრეზიდენტების ნებისმიერი შეხვედრის მთავარი განსახილველი საკითხები სირია, უკრაინა და ბირთვული იარაღი იქნება. ტრამპისა და პუტინის აღნიშნული შეხვედრა იქნება რიგით მესამე, მას შემდეგ რაც რესპუბლიკელმა პრეზიდენტმა პოსტი დაიკავა.

მანამდე ამერიკაში რუსეთის ყოფილმა ელჩმა იური უშაკოვმა განაცხადა, რომ დონალდ ტრამპმა პრეზიდენტი პუტინი ვაშინგტონში ჯერ კიდევ 20 მარტს მიიწვია, როდესაც ლიდერებს შორის სატელეფონო საუბარი შედგა.

ავტორი: ,

სოციალური ქსელები

უკრაინამ ჩაშალა კრემლის გეგმა, რომელიც მისი სამივე ატომური ელექტროსადგურის ქსელიდან გამოყვანას ითვალისწინებდა

პაპუაშვილი: უცხოურმა ფონდებმა საქართველოში პოლიტიკური მისია არ უნდა შეასრულონ

საქართველოში ადენაუერის ფონდის შემდეგ, ფრიდრიხ ნაუმანის ფონდიც იხურება

გენპროკურორის მოადგილე ბელთაძე, საეჭვო ვითარებაში გარდაცვლილ თემურ ხადურის დედას ნინო გვიშიანს შეხვდა