საქართველოს შეიარაღებული ძალების წარმომადგენლები ამჟამად საინფორმაციო შეხვედრებს კახეთის რეგიონში მართავენ.

თავდაცვის სამინისტროს ინფორმაციით, სამხედრო მოსამსახურეები ადგილობრივ მცხოვრებლებს საკონტრაქტო სამხედრო სამსახურის შესახებ ინფორმაცის აწვდიან და პირობებს დეტალურად აცნობენ. დღეს საინფორმაციო კამპანია ახმეტის მუნიციპალიტეტში ჩატარდა.

ეროვნული გვარდიის უფროსი, პოლკოვნიკი ირაკლი ჭუმბურიძე თელავში დისლოცირებული მეოცე კადრირებული ბრიგადის ხელმძღვანელობასა და პირად შემადგენლობასთან ერთად, მოსახლეობას შეხვდა. ჯარისკაცები მათ საკონტრაქტო სამხედრო სამსახურში ჩარიცხვის წესებსა და იმ პრივილეგიებზე ესაუბრნენ, რითაც საკონტრაქტო სამხედრო სამსახურში ისარგებლებენ. სამხედრო მოსამსახურეებმა სპეციალური საინფორმაციო ბროშურები და თავდაცვის სამინისტროს გაზეთებიც დაარიგეს.

ეროვნული გვარდიის მეოცე კადრირებული ბრიგადის სამხედრო მოსამსახურეებმა საკონტრაქტო სამხედრო სამსახურთან დაკავშირებით საინფორმაციო კამპანია კახეთის სხვადასხვა მუნიციპალიტეტში ჩაატარეს და უხლოეს მომავალში ქალაქ თელავში დაასრულებენ. საინფორმაციო კამპანია მთელი ქვეყნის მასშტაბით მიმდინაროებს.

ოთხწლიანი საკონტრაქტო სამხედრო სამსახურის გავლა 35 წლამდე მოქალაქეებს შეუძლიათ. საბუთების მიღება წარმოებს ყოველ დღე, შაბათ-კვირის გარდა, 10:00 სთ-დან 16:00 სთ-მდე, ქალაქ თბილისში, მხარდამჭერი ცენტრი „კრწანისის“ ბაზისა და ქალაქ ქუთაისში, მესამე ქვეითი ბრიგადის ტერიტორიაზე. დაინტერესებულ პირებს შესაძლებლობა ექნებათ რეგისტრაციისთვის ასევე მიმართონ თელავის მეოცე კადრირებულ ბრიგადას, სენაკის მეორე ქვეით ბრიგადასა და ქალაქ ბათუმში ადლიის ბატალიონის ტერიტორიაზე არსებულ სარეგისტრაციო პუნქტებს.

(NS)

ავტორი: ,

სოციალური ქსელები

აშშ ევროპას აფრთხილებს იარაღის მიწოდების შეფერხების შესახებ, რაც გამოწვეულია მარაგების ამოწურვით

აშშ გერმანიიდან 5000 ჯარისკაცს გაიყვანს

საპატრიარქო - ვხედავთ შემთხვევებს, როცა ეკლესიის არაკეთილმოსურნენი ყველა ღონეს ხმარობენ, რათა საზოგადოებაში დააკნინონ სინოდის სხდომის მიმართ სამართლიანობის განცდა

აშშ-ის კონგრესში წარადგინეს რეზოლუცია ჟურნალისტების უფლებების დაცვის შესახებ, სადაც მზია ამაღლობელიც არის ნახსენები