„კაფე გალერი“ და „ბლოუ ბარი“ გაიხსნა.

როგორც „გალერის“ დამფუძნებელმა ალექსანდრე ანთაძემ ჟურნალისტებს განუცხადა, 12 საათზე მათ საშუალება ჰქონდათ სამართალდამცველებთან ერთად შესულიყვნენ ბარში და იქ არსებულ ვითარებას გაცნობოდნენ.

„12 საათიდან სამართალდამცველებმა მოგვცეს საშუალება შემოსვულიყავით. სიტუაცია ნორმალური დაგვხვდა. ინვენტარი დაზიანებული არ არის. გარკვეული მიზეზების გამო გქვონდა შეჩერებული მუშაობა თუმცა ამასთან დაკავშირებით ჩივილს არ ვაპირებთ. დღეს ძალიან მალე აღვადგენთ მუშაობას, ალბათ ამ საღამოსვე და კლუბური ცხოვრება გაგრძელდება კაფე გალერიში“, - განაცხადა ანთაძემ და დასძინა, რომ „გალერის“ დირექტორი ამ დროისთვის გამოკითხვაზე იმყოფება.

რაც შეეხება კლუბ ბასიანს, ანთაძის თქმით, მას კლუბთან დაკავშირებით ამ დროისთვის ინფორმაცია არ აქვს.

შეგახსენებთ, 12 მაისს, რამდენიმე კლუბში, მათ შორის „ბასიანში, კაფე „გალერიში“ და „ბლოუ ბარში“, სპეცოპერაცია ჩატარდა, რის შედეგადაც შსს-ს ცნობით, 8 ნარკორეალიზატორი დააკავეს. სპეცოპერაციის შემდეგ კლუბები დახურული იყო, რადგან შენობებში სამართალდამცველები საგამოძიებო ღონისძიებებს ატარებდნენ.

ავტორი: ,

სოციალური ქსელები

The Telegraph: ლაიფციგის აეროპორტის დივერსია რუსმა მოტოციკლისტმა დაგეგმა, რომელსაც ГРУ-სთან კავშირი ჰქონდა

საქართველოს ბანკის მხარდაჭერით, მეწარმე ქალთა განვითარების პროგრამის ფარგლებში, კიდევ 18 მეწარმე გადამზადდა

ეკონომიკური ზრდა მოლოდინებთან თანხვედრაშია, ინფლაციის სტრუქტურა იცვლება.

არასამთავრობო ორგანიზაციები პატიმრის გაუპატიურების ფაქტზე ხელისუფლების დაუყოვნებლივ რეაგირებას ითხოვენ