„ხადური განხილვაზე არ მოვიდა, რადგან  მას ეშინია, რომ პრობლემებს თვალი გაუსწოროს“,-ამის შესახებ „ნაციონალური მოძრაობის“  წევრმა გიორგი ვაშაძემ ჟურნალისტებს განუცხადა. 
მისივე თქმით, მთავრობას არა აქვს კონკრეტული გეგმა როგორ გამოვიდეს ქვეყანა ეკონომიკური კრიზისიდან. 
„მთავარი რასაც დღეს ხალხი მთავრობისგან მოელის ეს არის კონკრეტული გეგმა როგორ გამოვდივართ ამ კრიზისიდან  ან თუნდაც „შოკუნიებიდან“ როგორც ხადურმა თქვა, რომელიც დღეს დაიმალა, მაგრამ ეს გეგმა არ არსებობს  და რაღაც ციფრებით ხდება მანიპულირება. საბოლოო ჯამში დღევანდელი დისკუსიის შედედად  რა დარჩება?  ისევ გაუფასურებული ლარი, მოუმატებელი პენსია და დაკარგული სამუშაო ადგილები. ეს არის ყველაზე დიდი პრობლემა“,-აღნიშნა გიორგი ვაშაძემ.  
ამასთან, როგორც დეპუტატმა განაცხადა, ის ეროვნული  ბანკის  პრეზიდენტის გიორგი ქადაგიძის  ანგარიშს გაეცნო  და აღნიშნა, რომ მასში დღვანდელი სიტუაციის სიღრმისეული ანალიზია მოცემული. 
თუმცა მისივე თქმით, მას ქადაგიძესთან აქვს კითხვა ქვეყანაში    არსებული  ეკონომიკური პრობელემების  შესახებ  უფრო ადრე რატომ არ ისაუბრა. 
„რატომ  უფრო ადრე არ თქვა ამ პრობლემების შესახებ  და როგორ აპირებს ამ კრიზისიდან დაღწევას, ეს არის ჩემი მთავრი კითხვა ეროვნულ ბანკთან, მე ველოდები ბანკისგან უფრო ღია,  მკაფიო გზავნილებს თუ რა უნდა გააკეთოს მთავრობამ იმისთვის, რომ ქვეყანა კრიზისიდან გამოვიდეს,  ის პოლიტიკური კინკლაობა და გადაბრალებები,  რასაც „ქართული ოცნება“ აკეთებს ეს კიდევ უფრო აზიანებს პროცესს. ყველა საერთაშორისო ინსტიტუცია პოზიტიურად აფასებს ეროვნული ბანკის ინტერვენციაში  ამ სიტუაციაში“,-განაცხადა გიორგი ვაშაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

The Sunday Times: რუსეთმა ურალში მდებარე თავისი საიდუმლო „მკვდარი ხელის“ კომპლექსი მოდერნიზება მოახდინა

დიდ ბრიტანეთში ტერორისტული თავდასხმის მცდელობა აშშ-ის საჰაერო ბაზაზე აღკვეთეს

ტრამპი: დიდ ბრიტანეთში აშშ-ის საჰაერო ძალების ბაზაზე თავდასხმაში ეჭვმიტანილებს მასშტაბური ზიანის მიყენება ჰქონდათ განზრახული

ბილ გეითსი: ხელოვნური ინტელექტის წესებზე შეთანხმება ბირთვული იარაღის შეზღუდვაზე უფრო რთული იქნება