იურიდიულ საკითხთა კომიტეტის თავმჯდომარე ეკა ბესელია ყოფილი პრემიერის, ბიძინა ივანიშვილის პოლიტიკაში დაბრუნებას დადებითად აფასებს და აცხადებს, რომ ეს ქვეყნის დემოკრატიულ განვითარებას შეუწყობს ხელს.

ბესელიას თქმით, ყოფილ პრემიერს შესწევს უნარი, ქვეყანაში მიმდინარე პროცესები შეცვალოს.

"ჩვენი პოლიტიკური ძალისთვის ეს არის ძალიან საპასუხისმგებლო, შემდეგი ეტაპი. ნებისმიერ მმართველ პარტიას, რომელიც არჩევნებს ატარებს, სჭირდება განახლება და ახალი ძალების კონსოლიდირება, ასევე სჭირდება ახალი ხედვა. მოქმედი თავმჯდომარე გახლავთ პრემიერ-მინისტრი. მის მიმართ შემიძლია მადლიერება გამოვხატო - მაგრამ მას აქვს ყველაზე დიდი დატვირთვა ქვეყანაში და ძალიან რთულია პარტიის ყოველდღიურ რეჟიმში იმ დოზით ჩართვა, როგორც ეს პარტიას სჭირდება განსაკუთრებით როდესაც ჩვენ წინ გვაქვს არჩევნები. ივანიშვილის გადაწყვეტილება არის დროული და საჭირო ამ პარტიისთვის და ქვეყნის დემოკრატიული განვითარებისთვის. თუ კი რამე არის უკეთესად გასაკეთებელი ეს შესაძლებელია ახლა და ამ ეტაპიდან. ივანიშვილის ფაქტორი მუდმივად ახლავს ამ პარტიის ისტორიას. ეს განსაკუთრებული ეტაპია, როდესაც პარტიის დაფუძნებიდან 6 წელში ის ბრუნდება. ამას ვუყურებ ძალიან დადებითად. მას შეუძლია ქვეყანაში ბევრი რამ შეცვალოს და ამის რესურსი აქვს",-განაცხადა ბესელიამ. 

ავტორი: ,

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს