როცა ადამიანი არ იმყოფება, მასზე აუგი არ უნდა თქვა. ადამიანს ყველაფერი პირში უნდა უთხრა. მე თქვენ პირში გეუბნებით, რომ თქვენი აზროვნებით ხართ ბოლშევიკები - აი, მდინარაძის ჯგუფი!- ამის შესახებ, პარლამენტის ვიცე-სპიკერმა ირმა ინაშვილმა განაცხადა. 

მან პარლამენტის თავმჯდომარეს ირაკლი კობახიძესაც მიმართა და აღნიშნა, რომ  დღევანდელი მისი საქციელი, პოლიტიკური კულტურის გააზრებისგან შორს დგას. 

ირმა ინაშვილმა მიმართა დეპუტატებს, რომ მათი ადეიშვილიზაციის სიმპტომებს ხედავს.

„გული მტკივა, ვწუხვარ ამ ქვეყანაზე. არ მეპარება ეჭვი, რომ თქვენც თავისებურად წუხხართ და გული გტკივათ. მიხეილ სააკაშვილიც ამბობდა, მიყვარს საქართველო და სიყვარულით გაწამებთო. ეს არ მინდა, რომ დაგემართოთ და იმ სიმპტომებს, რასაც თქვენში ვხედავ – ადეიშვილიზმის სიმპტომებს, ახლავე მინდა შემოგიძახოთ, რომ განიავდით ცოტა, განიავდით და მიხვდით, ოპოზიცია რასაც გეუბნებათ, ამაში არავითარი პიროვნული მიუღებლობა არ არის. ამაში არის პრობლემის დაყენება და ამაზე საჯაროდ ლაპარაკი აუცილებელია, სანამ დაფორმირდებით სააკაშვილებად და ადეიშვილებად, რა მისწრაფებაც გაქვთ და სიმპტომებიც.

მე მინდა, ჩვენს საზოგადოებას თქვენი სახელით მოვუხადო ბოდიში, რადგანაც ქართველი ხალხი, გატანჯული, დაღლილი, დამცირებული, მოტყუებული არაერთგზის თქვენ მიერ, რომ სამართლიანობას აღადგენთ დღეს, ამ ქაოსს არ უნდა უყურებდეს და კონკრეტულ პროგრამებს უნდა ისმენდეს ხალხი, ჩიხიდან როგორ გამოიყვანთ ამ ქვეყანას. მაგრამ ქვეყანა კი არ გადარდებთ თქვენ. თქვენი სავარძლების და ძალაუფლების შენარჩუნება გინდათ. აი, ეს არის თქვენი საქართველო და ეს საქართველო აუცილებლად გიპასუხებთ იმით, რომ ამ სკამებს დაკარგავთ“, – მიმართა ინაშვილმა კოლეგებს.

როგორც ინაშვილმა აღნიშნა,  პრეზიდენტი არაფერს განსაკუთრებულს არ ითხოვდა, გარდა იმისა, რომ დეპუტატებთან დებატებში ჩართვის და დასმულ კითხვებზე პასუხის გაცემის საშუალება მისცემოდა. 

“ეს მოგწონთ, რაც ახლა ხდება, როცა მხოლოდ საკუთარ თავს უსმენთ?! ჩვენ კარგად ვიცით, როგორც მთავრდება ეს უზურპატორული თვისებები“, - განაცხადა ინაშვილმა. 

ცნობისთვის, ცოტა ხნის წინ პრეზიდენტმა დებატების კითხვა-პასუხის რეჟიმში გაგრძელება მოითხოვა, თუმცა პარლამენტის თავმჯდომარე აღნიშნა, რომ ეს რეგლამენტის დარღვევა იქნებოდა. ამის შემდეგ პრეზიდენტმა პროტესტის ნიშნად სხდომათა დარბაზი დატოვა და განაცხადა, რომ დარბაზში იმ შემთხვევაში დაბრუნდებოდა, თუ დისკუსიაში ჩართვის საშუალება მიეცემოდა. პარლამენტმა რეგლამენტის შეცვლასთან დაკავშირებით პრეზიდენტის მოთხოვნა არ დააკმაყოფილა. რეგლამენტის შეცვლის მომხრე 28 დეპუტატი იყო, წინააღმდეგი კი, 50. შესაბამისად, დებატების პრეზიდენტის გარეშე გაგრძელდა.

ავტორი: ,

სოციალური ქსელები

WP: აშშ არ გამორიცხავს ერაყში დარტყმებს ოპერაციის ოფიციალური დასრულების შემდეგაც კი

მეუფე ზენონი - ახლა რუსეთის ეკლესიისთვის მნიშვნელოვანია, რომ საქართველოს ეკლესიამ უკრაინის ახალი ეკლესია არ აღიაროს და ამ მხრივ აფხაზეთისა და ცხინვალის საკითხი ხელსაყრელ ბერკეტს წარმოადგენს

კალაძე - ბიძინა ივანიშვილის სახელთან, მის გადაწყვეტილებასთან და მის გარშემო გაერთიანებულ ადამიანებთან არის დაკავშირებული 2012 წლის 1 ოქტომბერი

ზურაბ ცეცხლაძე საზმაუზე: ჩვენს აქციაზე საინფორმაციო გამოშვებაში ერთი წინადადებაც არ თქვეს