„არის ბევრი საკითხი, რომელიც, არის, რა თქმა უნდა, დაგროვილი, არა მხოლოდ გასული წლის განმავლობაში, არამედ ამ ხუთი წლის განმავლობაში",- ამის შესახებ საქართველოს პარლამენტის თავმჯდომარემ დღეს, პარლამენტში დაგეგმილ პრეზიდენტის ყოველწლიურ მოხსენებაზე საუბრისას განაცხადა.

ჟურნალისტებთან საუბრისას ირაკლი კობახიძემ პროცედურა განმარტა და იმედი გამოთქვა, რომ დებატები საქმიანი, კონსტრუქციული და შედეგზე ორიენტირებული იქნება.

„ჩვენ, პირველ რიგში, მოვისმენთ, ბუნებრივია, პრეზიდენტის ანგარიშს, და ამის საფუძველზე, ბუნებრივია, წარიმართება დებატები. დებატებში მონაწილეობას მიიღებს როგორც საპარლამენტო უმრავლესობა, ასევე საპარლამენტო ოპოზიცია. მე დიდი იმედი მაქვს, რომ ეს დებატები იქნება საქმიანი, კონსტრუქციული, შედეგზე ორიენტირებული - ეს არის ჩვენთვის მთავარი.

ეს ყველაფერი დამოკიდებულია მოხსენებაზე, ეს არის დამოკიდებული რეაქციებზე, როგორც უმრავლესობის, ასევე, ოპოზიციის რეაქციებზე, მთავარია ჩემთვის, რომ შედგეს საქმიანი და შედეგზე ორიენტირებული განხილვა",- განაცხადა პარლამენტის თავმჯდომარემ.

მისი თქმით, ხუთი წლის განმავლობაში, პრეზიდენტის მიმართ გარკვეული კითხვის ნიშნები დაგროვდა და დებატების დროს, საუბარი, სავარაუდოდ, სწორედ ამ საკითხებს შეეხება.

„არის ბევრი საკითხი, რომელიც, არის, რა თქმა უნდა, დაგროვილი, არა მხოლოდ გასული წლის განმავლობაში, არამედ ამ ხუთი წლის განმავლობაში. არის გარკვეული კითხვის ნიშნები იმასთან დაკავშირებით, თუ როგორ მოქმედებდა კონკრეტულ შემთხვევებში პრეზიდენტი, რამდენად იყო ორიენტირებული მისი საქმიანობა, ასე ვთქვათ, გამაერთიანებლის როლის შესრულებაზე, რამდენად იყო სწორი მისი პრაქტიკა ამა თუ იმ სფეროში, მათ შორის, მაგალითად, შეწყალების სფეროში, რომელიც საზოგადოების განხილვის და მსჯელობის საგანი გახდა, განსაკუთრებით, ბოლო პერიოდში. არის, რა თქმა უნდა, დაგროვილი გარკვეული კითხვები. ამაზეც იქნება, სავარაუდოდ, საუბარი დებატების დროს. მთავარია, ჩვენთვის, კიდევ ერთხელ, რომ იყოს შედეგიანი ეს განხილვა, შედეგზე ორიენტირებული, საქმიანი-აქეთკენ უნდა იყოს ორიენტირებული თითოეული დეპუტატი, რომელიც დებატებში მიიღებს მონაწილეობას",- განაცხადა ირაკლი კობახიძემ.

ავტორი: ,

სოციალური ქსელები

WP: აშშ არ გამორიცხავს ერაყში დარტყმებს ოპერაციის ოფიციალური დასრულების შემდეგაც კი

მეუფე ზენონი - ახლა რუსეთის ეკლესიისთვის მნიშვნელოვანია, რომ საქართველოს ეკლესიამ უკრაინის ახალი ეკლესია არ აღიაროს და ამ მხრივ აფხაზეთისა და ცხინვალის საკითხი ხელსაყრელ ბერკეტს წარმოადგენს

კალაძე - ბიძინა ივანიშვილის სახელთან, მის გადაწყვეტილებასთან და მის გარშემო გაერთიანებულ ადამიანებთან არის დაკავშირებული 2012 წლის 1 ოქტომბერი

ზურაბ ცეცხლაძე საზმაუზე: ჩვენს აქციაზე საინფორმაციო გამოშვებაში ერთი წინადადებაც არ თქვეს