საპარლამენტო უმრავლესობის ლიდერის არჩილ თალაკვაძის განცხადებით, ბიძინა ივანიშვილის პოლიტიკაში დაბრუნება ხელისუფლებაში საკადრო ცვლილებებს არ გამოიწვევს. 

როგორც მან აღნიშნა, გუნდი ივანიშვილის დაბრუნებას დადებითად აფასებს.

"ბიძინა ივანიშვილი უხელმძღვანელებს პარტია „ქართულ ოცნებას“. ჩვენ მხარს ვუჭერთ მთლიანად ამ გადაწყვეტილებას. მოველი, რომ პარტიის ყრილობა სრული მხარდაჭერით ამ გადაწყვეტილებას დამტკიცებს“, - აღნიშნა არჩილ თალაკვაძემ.

კითხვაზე - რამ განაპირობა ბიძინა ივანიშვილის პოლიტიკაში დაბრუნება, თალაკვაძის განმარტებით, ეს პრემიერ-მინისტრის ინიციატივა იყი.

"ჯერ კიდევ დიდი ხნის წინ მან რამდენიმე კონსულტაცია გამართა ბიძინა ივანიშვილთან ამ საკითხთან დაკავშირებით. ჩვენც, საპარლამენტო უმრავლესობიდან, პარტიის ლიდერები მხარს ვუჭერთ ამ გადაწყვეტილებას და შესაბამისად ბიძინა ივანიშვილმა მიიღო ეს გადაწყვეტილება. დარწმუნებული ვარ, რომ მისი ხელმძღვანელობით პარტია გახდება კიდევ უფრო ეფექტური და ეს საერთო ჯამში გააჯანსაღებს იმ პოლიტიკურ პროცესს, რომელიც საქართველოში მიმდინარეობს“, - აღნიშნა თალაკვაძემ.

რაც შეეხება შესაძლო სახელისუფლებო ცვლილებებს, თალაკვაძის თქმით, მსგავსი ცვლილებები არ იგეგმება.

„სხვა სახელისუფლებლო ცვლილებები არ იქნება, პრემიერი რა თქმა უნდა გააგრძელებს წარმატებით იმ საქმეს, რომელიც მას დაწყებული აქვს და პარლამენტი ირაკლი კობახიძის თავმჯდომარეობით ასევე სრულად დაუჭერს მხარს იმ რეფორმებს და იმ დაპირებების შესრულებას, რომელიც ჩვენ გვაქვს მიცემული საზოგადოებისთვის“, - განაცხადა არჩილ თალაკვაძემ.

ავტორი: ,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს