„ქართული ოცნების“ გენერალური მდივნის კახა კალაძის განცხადებით, მმართველ გუნდში არავის გადაყენება არ იგეგმება.

როგორც კალაძემ აღნიშნა, უახლოეს მომავალში გაიმართება პარტიის ყრილობა, სადაც გადაწყდება, ვის რა ფუნქცია ექნება.

"არავის გადაყენება არ იგეგმება. კიდევ ერთხელ ვიმეორებ, არავის გაშვება არ იგეგმება. როგორც გითხარით, ყველაფერს აქვს თავისი წესი და შესაბამისად, ჩვენ ვიმოქმედებთ ამ წესის შესაბამისად. პოლიტსაბჭო იმსჯელებს და რა გადაწყვეტილებაც იქნა მიღებული, შემდეგ ეს ყველაფერი წარდგენილი იქნება ყრილობაზე. ყრილობა გაიმართება ალბათ, მაისის დასაწყისში. ვინ იქნებიან პოლიტსაბჭოს წევრები, ამასაც უახლოეს მომავალში გაიგებთ. დღეს იყვნენ ბიუროს წევრები ძირითადად წარმოდგენილი. უახლოეს დღეებში ასევე გაიმართება უმრავლესობის სხდომა", - განაცხადა თბილისის მერმა.

მანვე დასძინა, რომ ბიძინა ივანიშვილთან კონსულტაციები დიდი ხანია მიმდინარეობდა.

"ამაზე საუბარი გუშინ და გუშინწინ არ დაწყებულა. პრემიერს არაერთხელ ჰქონია შეთავაზება და საუბარი მის პარტიაში დაბრუნებასთან დაკავშირებით. მემგონი ძალიან კარგია ეს გადაწყვეტილება ზოგადად, წაადგება ქვეყნის განვითარებას, ქვეყნის დემოკრატიული ინსტიტუტების ხელშეწყობას", - აღნიშნა კალაძემ.

ცნობისთვის, საქართველოს ყოფილი პრემიერ-მინისტრი ბიძინა ივანიშვილი პოლიტიკაში ბრუნდება.  როგორც მოქმედმა პრემიერმა, გიორგი კვირიკაშვილმა დღეს გამართულ ბრიფინგზე განაცხადა, ივანიშვილი „ქართული ოცნების“ თავმჯდომარის პოსტს დაიკავებს.

ავტორი: ,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს