მიწის სისტემური რეგისტრაციის საპილოტო პროექტის ფარგლებში არხილოსკალოს საზოგადოებრივ ცენტრში საჯარო რეესტრის ეროვნულმა სააგენტომ საპილოტო არეალზე ჩატარებული სამუშაოები შეაჯამა.

ღონისძიებაზე საპილოტო პროექტის მენეჯერმა ელენე გრიგოლიამ მიმოიხილა ჩატარებული სამუშაოები და სტატისტიკური მონაცემები.

მან ადგილობრივ მოსახლეობას აქტიური ჩართულობისთვის, ხოლო დედოფლისწყაროს მუნიციპალიტეტს მხარდაჭერისათვის მადლობა გადაუხადა.

შეხვედრაზე დედოფლისწყაროს მუნიციპალიტეტის მერმა ნიკოლოზ ჯანიაშვილმა ხაზი გაუსვა საკუთრების უფლების რეგისტრაციის მნიშვნელობას რეგიონში მიწის ბაზრის განვითარება და ეკონომიკისთვის.

შეხვედრაში ადგილობრივები და  მუნიციპალიტეტის წარმომადგენლები მონაწილეობდნენ.

არხილოსკალო მესამე არეალია, სადაც მიწის სისტემური რეგისტრაციის საპილოტო  პროექტი წარმატებით დასრულდა. ბოლო მონაცემებით, მოცემულ არეალზე გამოვლენილია 2330 მიწის ნაკვეთი, რომელთაგან უკვე რეგისტრირებულია 1323 მიწის ნაკვეთი. სარეგისტრაციო პროცედურები ივნისში დასრულდება.

ამჟამად, ტექნიკური სამუშაოები დასრულებულია იმავე მუნიციპალიტეტის სოფელ არბოშიკში და მიმდინარეობს საჯარო გაცნობის პროცესი, ხოლო საგურამოსა და სალხინოში - მიწის აზომვითი სამუშაოები გრძელდება.

(NS)

ავტორი: ,

სოციალური ქსელები

ყაზახეთმა ასტანაში გამართულ ძიუდოს გრანდ სლემში მეორე დღესაც ოქრო მოიპოვა

ესპანეთში 800 მილიონ ევროზე მეტი ღირებულების კოკაინის გადამტანი გემი დააკავეს

უნგრეთის პარლამენტზე 12 წლის შემდეგ ევროკავშირის დროშა გადმოფინეს

ჟურნალისტი გელა მთივლიშვილი წერს, რომ თავს დაესხნენ