სლოვენია საქართველოს პრემიერ-მინისტრის გიორგი კვირიკაშვილის სამშვიდობო ინიციატივას დადებითად აფასებს, - ამის შესახებ სლოვენიის საგარეო საქმეთა სამინისტროს განცხადებაშია ნათქვამი.

„სლოვენია მიესალმება საქართველოს ახალ სამშვიდობო ინიციატივას ოკუპირებულ აფხაზეთსა და ე.წ. სამხრეთ ოსეთის რეგიონში. ეს მნიშვნელოვანი ნაბიჯია, რომ კონფლიქტი დიალოგითა და მშვიდობიანი გზით გადაიჭრას“, - ნათქვამია უწყების განცხადებაში.

ცნობისთვის, მანამდე საქართველოს მთავრობის ინიციატივა დადებითად აშშ-მ, ევროკავშირმა, გერმანიამ, თურქეთმა და პოლონეთმა შეაფასეს.

შეგახსენებთ, პრემიერ-მინისტრმა გიორგი კვირიკაშვილმა განაცხადა, რომ საქართველოს ხელისუფლება შერიგებისა და ჩართულობის პოლიტიკის ფარგლებში, დგამს კონკრეტულ ნაბიჯებს, რომელიც მიზნად ისახავს აფხაზეთსა და ცხინვალის რეგიონებში მცხოვრები მოსახლეობის ჰუმანიტარული და სოციალურ-ეკონომიკური მდგომარეობის გაუმჯობესებას და გამყოფი ხაზების გასწვრივ კონტაქტების, მიმოსვლის, საერთო ინტერესებზე დაფუძნებული ურთიერთობების წახალისებას.

ავტორი: ,

სოციალური ქსელები

ტრამპმა თანაშემწეებს განუცხადა, რომ მზად იყო ირანთან ომი ბირთვული შეთანხმების გარეშე დაესრულებინა

პენტაგონმა მოითხოვა, რომ ამერიკულმა სამხედრო-სამრეწველო კომპლექსმა დააჩქაროს იარაღის წარმოება

აშშ-მ თურქეთს უკრაინისთვის 12 HIMARS-ის 2500 ჭურვით და 70 ATACMS-ის კასეტური საბრძოლო მასალის მიყიდვის ნებართვა მისცა

გიგაზე თავდასხმამდე კონსულტაცია გაიარა... - რა დეტალებს ასაჯაროებს მოკლული მასწავლებლის დედა