ადამიანის უფლებათა დაცვის კომიტეტის თავმჯდომარის მოადგილის, გედევან ფოფხაძის, მოსაზრებით, საქართველოში ვალუტის  გაუფასურება არც ეროვნული ბანკისა და არ მთავრობის ბრალი არაა.

როგორც ფოფხაძემ ადამიანის უფლებათა დაცვისა და სამოქალაქო ინტეგრაციის კომიტეტის სხდომაზე განაცადა, სადაც ეროვნული ბანკის 2014 წლის ანგარიშს ისმენენ, ლარის გაუფასურებით კუთხით, პრობლემები იბიექტური მიზეზებით იყო გამოწვეული, რაც მსოფლიოში და რეგიონში განვითარებულ მოვლენებს უკავშირდება. თუმცა, მისივე შეფასებით, პროცესზე გავლენა პოლიტიკური ოპოზიცის აბსოლუტურად არაადეკვატურმა რიტორიკამაც მოახდინა.

ასევე, ფოფხაძის აზრით, მეტი კოორდინაციის შემთხვევაში, შესაძლებელი იყო საქართველოს მოსახლეობა ნაკლებად დაზარალებულიყო.

"მთელი ეს პერიოდი, რაც ლარის კურსის მერყეობა იყო  ჩვენი პოლიტიკური ოპონენტების მხრიდან,  ვისმენდით საყვედურებს და პრეტენზიებს და ისინი არანაირ ობიექტურ მიზეზებს არ ითვალისწინებდნენ.მიმაჩნია, თუ რამე ამძიმებდა დ კიდევ ურო კრიტიკულს ხდიდა ვითარებას, სწორედ ეს რიტორიკა იყო, რომელიც პოლიტიკური ოპოზიციის მხრიდან ისმოდა. ერთგვარი თვითკმაყოფილი და ნასიამოვნები რიტორიკა და კმაყოფილი იმითი, რომ იზრდებოდა ლარის კურსი და უფასურდებოდა ხალხის შემოსავლები და უფრო მძიმე ეკონომიკურ მდგომარეობაში აღმოჩნდა ხალხი, როგორც ჩანს ჩვენი პოლიტიკური ოპონენტებისთვის ეს არის ერთადერთი გამოსავალი მათი პოლიტიკური რევანშის მოწყობის და მათ უხარიათ ხალხის და ქართული სახელმწიფოს ყველა პრობლემა.ამას უკვე შეჩვეულები ვართ, მაგრამ ჩვენ რეალურად მიუხედავად იმისა, რომ მე მიმაჩნია, ძირითადი პრობლემები, რომლებიც იყო ობიექტური მიზეზებით და არც ეროვნულ ბანკს და არც მთავრობას ამ პრობლემებს ნამდვილად არ დავაბრალებ, რაგდან მსოფლიო ეკონომიკური კრიზისი, უკრაინის ომი თუ ჩვენი შიდა მიზეზითაა განპირობებული, მაშინ გამოდის, რომ საქართველო არის მსოფლიო პოლიტიკური ცენტრი;  ასეთი ამბიცია მემგონი ჩვენ არ უნდა გვქონდეს და მიმაჩნია, რომ არ არის, მაგრამ ის სუბიექტური ნაწილი, რაც ალბათ ცოტა უფრო მეტი კრიტიკის საგანი უნდა იყოს, ალბათ გასათვალისწინებელია. ჩვენ გვაქვს  რეალურად ცუდი შედეგი ჩვენი მოსახლეობისთვის და ამასთან მიმართებაში ყველა ცოტა თვითკრიტიკულები უნდა ვიყოთ. მიმაჩნია, რომ რაღაცა უფრო მეტი კოორდინაცია რომ ყოფილიყო, შესაძლებელი იყო ჩვენი მოსახლეობა ნაკლებად დაზარალებულიყო",-განაცხადა გედევან ფოფხაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

The Sunday Times: რუსეთმა ურალში მდებარე თავისი საიდუმლო „მკვდარი ხელის“ კომპლექსი მოდერნიზება მოახდინა

დიდ ბრიტანეთში ტერორისტული თავდასხმის მცდელობა აშშ-ის საჰაერო ბაზაზე აღკვეთეს

ტრამპი: დიდ ბრიტანეთში აშშ-ის საჰაერო ძალების ბაზაზე თავდასხმაში ეჭვმიტანილებს მასშტაბური ზიანის მიყენება ჰქონდათ განზრახული

ბილ გეითსი: ხელოვნური ინტელექტის წესებზე შეთანხმება ბირთვული იარაღის შეზღუდვაზე უფრო რთული იქნება