"ღმერთია მოწამე, აგერ უკვე 4 თვეა, რაც არჩევნებში "დავმარცხდი" და არც ერთი სიტყვა არც სადმე მითქვამს და არც სადმე დამიწერია გარკვეული მიზეზების გამო. ეხლა რომ არაფერი ვთქვა, ნამდვილად მტერი უნდა ვიყო ჩემი ქალაქის, რა მნიშვნელობა აქვს მერი ვიქნები, ბიზნესმენი თუ რიგითი ოზურგეთელი. არც მეტი, არც ნაკლები დღეს მიადგნენ და გადაჩეხეს უნიკალური ჯიშის მარადმწვანე ემენიუსის ბუჩქები, რომლის გაზრდასაც ნამდვილად გადავყევით 2 წლის მანძილზე. მიზეზი ის გახლავთ, თითქოს ხელს უშლიდა მოძრაობას", - ამის შესახებ ოზურგეთის ყოფილი მერი ბეგლარ სიორიძე აცხადებს.

"ნუთუ ასე წავიდა ოზურგეთის საქმე, ამასაც დაიჯერებენ? როგორ შეიძლება გამწვანებული გზაგამყოფი(ევროპაში და ამერიკაში წასვლა არაა საჭირო, აგერ ბათუმამდე ჩაბრძანდით და ნახეთ გზაგამყოფი) აფერხებდეს მოძრაობას მაშინ, როცა ის ცალმხრივი გახდა როგორც ერთი, ასევე მეორე მიმართულებითაც, თან გამწვანების სიმაღლე სულ 80 სმ-ია.

რაოდენ სამარცხვინოა ის ფაქტი, რომ ამ უძვირფასესი ბუჩქების გაჩეხვა ხდება მხოლოდ და მხოლოდ იმ მიზეზით, რომ ის გაშენდა წინა ხელისუფლების დროს ანუ იმ დროს, როცა მე გახლდით ქალაქის მერი. დიახ, ეს იყო ერთ-ერთი წარმატებული პროექტი ჩვენს ქალაქში, რომლითაც ნამდვილად ამაყობდა ოზურგეთელები და რაც ყველაზე მნიშვნელოვანია ეს სოლიდური თანხა დაჯდა ოზურგეთის ბიუჯეტიდან.

მართლაც და თავზე ვევლებოდით ამ მარადმწვანე ბუჩქებს და ველოდებოდით როდის გაიზრდებოდა და შესაძლებელი გახდებოდა მისი გაკრეჭა-ფორმირება, მაგრამ სწრედაც ამ დროს ლამის ძირში მოჩეხეს ეს უნიკალური ჯიშის ბუჩქები. მაშინ, როცა საზოგადოება განცვიფრებულია ამ ვანდალიზმით, თავს იმართლებენ, თითქოს ბუჩქების გადაბელვა ხდება. ჯერ ერთი ახლა შესაბამისი დრო არ გახლავთ და მეორეც, ნუ შეაყრით ოზურგეთელებს კიდევ ერთხელ თვალში ნაცარს, ბუჩქის არა გადაბელვა, არამედ გაკრეჭა, ფორმის მიცემა ხდება.

სათქმელი მართლაც ძალიან ბევრია, მაგრამ თავს ვიკავებ იმ მიზეზით, რომ ჩემმა ოზურგეთელებმა არ იფიქრონ, თითქოს წაგებულის პოზიციიდან ჩასაფრებული ვსაუბრობდე. დარწმუნებული ვარ მიიღებენ შესაბამის ზომებს ის ადამიანები, ვისაც ეს ევალებათ და სულ ერთი არ არის მათთვის ოზურგეთის ბედი", - აცხადებს ბეგლარ სიორიძე..

ცნობისთვის, სოციალურ ქსელში გავრცელდა ფოტო სადაც ჩანს, რომ ოზურგეთში ბუჩქებს ადაბლებენ.

(NS)

ავტორი: ,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს