რეგიონული განვითარებისა და ინფრასტრუქტურის ახალმა მინისტრმა, მაია ცქიტიშვილმა ახალ პოზიციაზე პირველი სამუშაო დღე სამომავლო გეგმებზე საუბრით დაიწყო.

ცქიტიშვილი თანამშრომლებს მისმა წინამორბედმა, ზურაბ ალავიძემ წარუდგინა.

ცქიტიშვილი კონკრეტულ გეგმებზე ჯერ ვერ საუბრობს, თუმცა აცხადებს, რომ სამინისტროს პრიორიტეტებში ისევ რჩება, სივრცითი მოწყობის და რეგიონებში განსახორციელებელი პროექტები.

„სივრცითი მოწყობა არის ერთ-ერთი მთავარი პრიორიტეტია და მოგეხსენებათ, რომ ძალიან დიდი და აქტიური დღის წესრიგია ამ მიმართულებით და ამიტომ თავისთავად, ამაში უფრო აქტიურად ჩავერთვები, იმისთვის რომ ეს გეგმები განხორციელდეს. თუმცა, ამასთან ერთად ეს არის რეგიონული განვითარების სამინისტრო და აქედან გამომდინარე როგორც თვითმართველობის განვითარება ასევე რეგიონებში განსახორციელებელი პროექტები ბუნებრივია დარჩება ამ სამინისტროს პრიორიტეტში“, - აღნიშნა ცქიტიშვილმა.

შეგახსენებთ, დღეს პრემიერ-მინისტრმა გიორგი კვირიკაშვილმა მთავრობის ადმინისტრაციაში ბრიფინგი გამართა, სადაც ცნობილი გახდა, რომ რეგიონული განვითარებისა და ინფრასტრუქტურის მინისტრის პოსტი ზურაბ ალავიძემ დატოვა და მის ადგილს მაია ცქიტიშვილი იკავებს.

ავტორი: ,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს