ტატუნაშვილის საქმე, რუსეთის წინააღმდეგ მიმართული პროვოკაციაა, რომელსაც შორსმიმავალი შედეგები ექნება, - ამის შესახებ ოკუპირებული სამხრეთ ოსეთის ე.წ. ყოფილმა  პრეზიდენტმა ედუარდ კოკოითმა განაცხადა.

მისი თქმით, ეს პროვოკაცია იმ პროქართული ძალების ნამოქმედარია, რომელთაც ოკუპირებულ ტერიტორიაზე შეაღწიეს.

„არჩილ ტატუნაშვილის საქმეს რაც შეეხება,  ეს ადამიანური ტრაგედიაა მისი ოჯახისთვის. თუ ის ასეთი დივერსანტი იყო, ყველა მტკიცებულების წარდგენა იყო საჭირო, მაგრამ ამ შემთხვევაში ეს პროვოკაციაა რუსეთის ფედერაციის წინააღმდეგ, რომელსაც შორსმიმავალი შედეგები ექნება. არ გამოვრიცხავ, რომ ამ პროვოკაციაში სამხრეთ ოსეთის ხელმძღვანელობაცაა გარეული. სხვაგვარად როგორ ავხსნათ ეს? ამ სიტუაციით საქართველომ საინფორმაციო ველზე უპირატესობა მიიღო და საერთაშორისო საზოგადოება ამის გამო რუსეთს ემუქრება. ეს ოსეთის რეპუტაციას ურტყამს, რომელიც ძალიან რთულ დროს მოვიპოვეთ. ჩვენ არასდროს მიგვიცია საბაბი, რომ ასეთ კანონსაწინააღმდეგო, არაადამიანურ ქმედებებში დავედანაშაულებინეთ. ეს ის პროქართული ძალებია, რომელთაც სამხრეთ ოსეთში შემოაღწიეს, სწორედ მათი პროვოცირებულია ეს ყველაფერი“, - განაცხადა ედუარდ კოკოითმა.

შეგახსენებთ, არჩილ ტატუნაშვილი 22 თებერვალს საოკუპაციო რეჟიმის წარმომადგენლებმა დააკავეს, 23 თებერვალს კი ცნობილი გახდა მისი გაურკვეველ ვითარებაში გარდაცვალების თაობაზე. საქართველოს ხელისუფლებისა და საერთაშორისო საზოგადოების მხრიდან უამრავი მოწოდების შემდეგ, 20 მარტს ცხედარი ქართულ მხარეს გადმოეცა. 24 მარტს არჩილ ტატუნაშვილი მუხათგვერდის ძმათა სასაფლაოზე სამხედრო პატივით დაკრძალეს.

ავტორი: ,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს