დიდი ბრიტანეთი, "სკრიპალის საქმის" გამო, იმ რუსი ბიზნესმენების ვიზებს გადახედავს, რომლებიც ქვეყანაში ინვესტიციის ჩადების პირობით ჩავიდნენ, - ამის შესახებ Bloomberg ქვეყის შინაგან საქმეთა მინისტრზე ამბერ რუდზე დაყრდნობით იუწყება.

როგორც შს მინისტრმა განმარტა, უწყება საერთო ჯამში 700-მდე რუსი მოქალაქის ე.წ. ინვესტორის ვიზას გადახედავს, რომლებიც ქვეყანაში 2008 წლიდან 2015 წლამდე ჩავიდნენ. ამბერმა დასძინა, რომ აღნიშნული ვიზის მიღების წინაპირობა დიდ ბრიტანეთში, სულ მცირე 2.8 მილიონ დოლარამდე მოცულობის ინვესტიციის ჩადების ვალდებულებაა.

გარდა ამისა, პარლამენტში სიტყვით გამოსვლის დროს ქვეყნის პრემიერ-მინისტმა ტერეზა მეიმ აღნიშნა, რომ "რუსულ კორუფციას" ბრიტანეთში ადგილი არ უნდა ჰქონდეს. მისივე თქმით, პოლიცია შეძლებული რუსეთის მოქალაქეების ანგარიშებსაც შეამოწმებს.

კონფლიქტი ბრიტანეთსა და რუსეთს შორის მას შემდეგ დაიწყო, რაც ქვეყნის პრემიერმა ტერეზა მეიმ ოფიციალური კრემლი, რუსეთის დაზვერვის ყოფილი ოფიცრის სერგეი სკრიპალის მოწამლვაში და ქიმიური იარაღის "ნოვიჩოკის" გამოყენებაში დაადანაშაულა. თავის მხრივ რუსეთი ბრალდებებს უარყოფს. რუსეთის საგარეო უწყების წარმომადგენელმა მარია ზახაროვამ ტერეზა მეის ბრალდებებს "პოლიტიკური შოუ" უწოდა.

აღნიშნული სკანდალის აგორების შემდეგ დიდ ბრიტანეთს სოლიდარობა ნატოს- და ევროკავშირის წევრმა ქვეყნებმა გამოუცხადეს და რუსი დიპლომატები გააძევეს. ამ დროისთვის სულ 150-მდე რუსი დიპლომატია გაძევებული.

ავტორი: ,

სოციალური ქსელები

„ყველგან ქაოსია“- რუსული ელიტა 90-იანი წლების შემდეგ ყველაზე ძლიერ განხეთქილებაში მოექცა

ზელენსკიმ განაცხადა, რომ 9 მაისს მოსკოვში აღლუმის ჩატარება უკრაინის არმიაზეა დამოკიდებული

მაგნიტსკის აქტის ინიციატორი ბილ ბრაუდერი დიდ ბრიტანეთს ივანიშვილის დასანქცირებისკენ მოუწოდებს

ლელო - რეფინანსირების განაკვეთის გაზრდა დარტყმაა ასობით ათასი საქართველოს მოქალაქისთვის