„ევროპული საქართველოს“ ლიდერი გიგა ბოკერია ჟენევის მოლაპარაკებების 34-ე რაუნდს ეხმაურება.

როგორც ბოკერიამ აღნიშნა, გრიგორი კარასინის განცხადება პრემიერ-მინისტრთან დაკავშირებით მოულოდნელი არ ყოფილა.

"სამწუხაროდ მან დაადასტურა ის, რაც ჩვენ ისედაც ვიცოდით. მიესალმა პრემიერმინისტრის წერილს, რომელიც ჩვენი ქვეყნისთვის იყო საზიანო, რადგან იყო იმ მიმართულებით გადადგმული ნაბიჯი, რაც რუსეთის ინტერესებში შედის უკვე მრავალი წელია. დაგმო პარლამენტის მიერ "ევროპული საქართველოს" ინიციატივით მიღებული რეზოლუცია, რადგან ის სწორად აყენებს საკითხს და რეალურად ავალებს მთავრობას რომ გადადგას ნაბიჯები, რომელიც რუსეთს უქმნის პრობლემებს და ჩვენ ეროვნულ ინტერესებშია.  რა თქმა უნდა ზოგადად ჟენევის, დღეს არსებული ფორმატი, რომელიც შეიქმნა 2008 წლის აგრესიის შემდეგ არის ის ფორმატი რაც საქართველოს გრძელვადიანად ჭირდება. თუ რუსეთს უნდა რომ ჩაშალოს ეს ფორმატი, ჩვენმა ქვეყანამ უნდა გააკეთოს ყველაფერი, რომ მაქსიმალური ზიანი მიიღოს რუსეთმა და ცალსახად მისი პასუხისმგებლობა იყოს ასეთ ნაბიჯზე წასვლა", - განაცხადა ბოკერიამ.

ცნობისთვის, გუშინ, რუსეთის საგარეო საქმეთა მინისტრის მოადგილე გრიგორი კარასინმა, საქართველოს პრემიერ-მინისტრის რუსეთის ხელისუფლებისადმი მიმართვა შეაფასა. როგორც მან აღნიშნა, გიორგი კვირიკაშვილი განცხადება მიმართული იყო პოზიტიური წინსვლისკენ აფხაზეთსა და სამხრეთ ოსეთთან ურთიერთობებში. თუმცა, მანვე დასძინა, რომ მოგვიანებით პარლამენტის მიღებულმა განცხადებამ პრემიერის განცხადების სრული დეზავუირება მოახდინა.

ავტორი: ,

სოციალური ქსელები

საგანძურის მარათონი დაიწყო - შემოუერთდი საგანძურის მაძიებლებს თიბისის მობაილბანკში

სააპელაციომ თორნიკე თოშხუასა და მინდია შერვაშიძეს სასჯელი შეუმცირა

გიგა ავალიანის მკვლელობის საქმეზე შს მინისტრის ყოფილი მოადგილის, მერაბ მალანიას შვილი დააკავეს

IPI მოუწოდებს საქართველოს პროკურატურას, შეწყვიტოს ფორმულას წინააღმდეგ მიმდინარე გამოძიება