რუსეთმა თავი აარიდა კონსტრუქციულ მსჯელობას და კითხვის ნიშნის ქვეშ დააყენა ის ფუნდამენტური პრინციპები, რაზეც ჟენევის მოლაპარაკებები დამყარებული, - ამის შესახებ საქართველოს საგარეო საქმეთა მინისტრის მოადგილე დავით დონდუამ ჟენევის მოლაპარაკებების 43-ე რაუნდის დასრულების შემდეგ, ჟურნალისტებს განუცხადა.

როგორც მან აღნიშნა, რუსეთის წარმომადგენლებმა ჯერ კიდევ დღის პირველ ნახევარში გააკეთეს ისეთი განცხადებები, რომლის შემდეგაც, ძალის გამოუყენებლობის შეთანხმებაზე მსჯელობა შეუძლებელი გახდა.  

„მნიშვნელოვანი საკითხი, რაც განვიხილეთ, ძალის გამოუყენებლობის თაობაზე მონაწილეების ერთობლივი განცხადებაა. ჯერ კიდევ დღის პირველ ნახევარში, რუსეთის წარმომადგენლებმა გააკეთეს ისეთი განცხადებები, რომელიც მიმართული იყო იმისკენ, რომ ამ საკითხზე მსჯელობა არ მომხდარიყო. მათ ყველანაირად თავი აარიდეს კონსტრუქციულ მსჯელობას ძალის გამოუყენებლობის საკითხზე. ეს გააკეთეს იმიტომ, რომ კითხვის ნიშნის ქვეშ დააყენეს ის ფუნდამენტური პრინციპები, რაზეც არის დამყარებული ჟენევის მოლაპარაკებები, ანუ ცეცხლის შეწყვეტის შეთანხმება, რომელსაც ხელი მოეწერა საქართველოსა და რუსეთის პრეზიდენტების მიერ 2008 წლის 12 აგვისტოს. ყოველივე ამის შემდეგ ერთობლივ განცხადებასთან დაკავშირებით საგნობრივი მსჯელობა უკვე რთული იყო“, - განაცხადა დავით დონდუამ.

ავტორი: ,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს