ევროკავშირის სადამკვირვებლო მისია ტატუნაშვილის ცხედრის გადმოცემასთან დაკავშირებით განცხადებას ავრცელებს

2018-03-21 00:54:12, 1713 ნახვა

საზოგადოება

ევროკავშირის სადამკვირვებლო მისია არჩილ ტატუნაშვილის ცხედრის გადმოცემის ფაქტთან დაკავშირებით განცხადებას ავრცელებს.

„ევროკავშირის სადამკვირვებლო მისია მიესალმება იმ ფაქტს, რომ არჩილ ტატუნაშვილის ცხედარი, საბოლოოდ, გადაეცა ოჯახს. გასულ კვირებში, ამ ტრაგიკული საქმის ფარგლებში მისია ცხელი ხაზის მეშვეობით დიალოგის ხელშეწყობაში მონაწილეობდა. ევროკავშირის სადამკვირვებლო მისია, მისი შესაძლებლობებისა და მანდატის გათვალისწინებით, ყურადღებით აკვირდება მოვლენებს.

მისია ადასტურებს მზადყოფნას, მხარი დაუჭიროს მიმდინარე გამოძიებებს და ხელი შეუწყოს დისკუსიებს ინციდენტების პრევენციისა და მათზე რეაგირების მექანიზმის, ასევე მისიის ცხელი ხაზის ფარგლებში. მისია მოუწოდებს მონაწილეებს, ერგნეთში შეხვედრები განაახლონ, რომლებიც მისიისა და ეუთოს ხელშეწყობით ტარდება“, - ნათქვამია განცხადებაში.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები