არჩილ ტატუნაშვილის ცხედარი ქართულ მხარეს გადმოეცა

2018-03-20 21:06:16, 1727 ნახვა

საზოგადოება

საქართველოს მოქალაქე არჩილ ტატუნაშვილის ცხედარი ქართულ მხარეს გადმოეცა.

ერგნეთში იმყოფება ყველა იმ უწყების წარმომადგენელი, რომლებიც ამ პროცესში იყვნენ ჩართული, მათ შორის შერიგებისა და სამოქალაქო თანასწოორობის საკითხებში სახელმწიფო მინისტრი ქეთევან ციხელაშვილი და ლტოლვილთა და განსახლების მინისტრი სოზარ სუბარი.

შინაგან საქმეთა სამინისტროს წარმომადგენლის თქმით, ტატუნაშვილის ცხედარს ჯერ თბილისსი გადმოასვენებენ, სადაც მას ექსპერტიზა ჩაუტარდება. ამის შემდეგ ყოფილი სამხედროს ცხედარი მის სახლში, წილკანში იქნება გადასვენებული.

არჩილ ტატუნაშვილი 22 თებერვალს საოკუპაციო რეჟიმის წარმომადგენლებმა დააკავეს, 23 თებერვალს კი ცნობილი გახდა მისი გაურკვეველ ვითარებაში გარდაცვალების თაობაზე. საერთაშორისო საზოგადოების მხრიდან უამრავი მოწოდებისა და საქართველოს ხელისუფლების მცდელობის მიუხედავად, ოჯახს ცხედარი ამ დრომდე არ გადასცემია. ასევე მასთან ერთად დააკავეს საქართველოს კიდევ ორი მოქალაქე, რომლებსაც 11 მარტამდე არ მიეცათ ქართული მხარის მიერ კონტროლირებად ტერიტორიაზე გადმოსვლის უფლება.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები