პორტალ Numbeo-ს 2018 წლის კვლევის თანახმად, უსაფრთხო ქვეყნების რეიტინგში საქართველოს პოზიცია 2 პუნქტით გაუმჯობესდა.

კერძოდ, გასულ წელს, უსაფრთხოების კუთხით საქართველო მსოფლიოს 115 ქვეყანას შორის მე-7 (79,17) ადგილზე იყო, ხოლო წელს მე-5 (79.65) ადგილზე გადაინაცვლა. რაც შეეხება დანაშაულის ინდექსს, საქართველოში კრიმინალის დონე კვლავ დაბალია (20.35).

უსაფრთხოების რეიტინგში ლიდერობს იაპონია, სადაც დანაშაულის ინდექსმა 13.10 შეადგინა, ხოლო უსაფრთხოების ინდექსმა 86.90. ლიდერთა ხუთეულში ასევე შევიდნენ კატარი, სინგაპური და გაერთიანებული საემიროები.

ყველაზე უარესი მაჩვენებლები გააჩნიათ ისეთ ქვეყნებს, როგორებიცაა ვენესუელა, პაპუა ახალი გვინეა, ჰონდურასი, ბრაზილია, სამხრეთ აფრიკა და ტრინიდადი და ტაბაგო.

რაც შეეხება საქართველოს უახლოეს მეზობლებს, აზერბაიჯანი მე–23 ადგილზეა, სომხეთი — მე–17, თურქეთი — 52–ე, ხოლო რუსეთმა 65–ე ადგილი დაიკავა.

ქალაქების უსაფრთხოების რეიტინგში თბილისი მე-16 ადგილზეა ( 80.19). დედაქალაქს დანაშაულის ინდექსში 19.81 ქულა აქვს, რაც კრიმინალის ძალიან დაბალი დონის მაჩვენებლია.

ავტორი: ,

სოციალური ქსელები

აშშ-მ ირანის წინააღმდეგ სანქციები გააფართოვა და მსხვილი ავტომწარმოებლები და რკინიგზის კომპანიები მოიცვა

ნატოს გენერალური მდივანი: ევროპა დღეს მშვიდობაში არ არის

„პუტინის გზა“: მოსკოვი რუსეთიდან საქართველოს გავლით სომხეთამდე რკინიგზის მარშრუტის პოპულარიზაციას იწყებს

„თბილისობის“ დღესასწაულთან დაკავშირებით საავტომობილო გადაადგილება რამდენიმე ქუჩაზე დროებით იზღუდება