გარემოს დაცვისა და ბუნებრივი რესურსების კომიტეტის თავმჯდომარე კახაბერ კუჭავა საყდრისის აფეთქებისა და ეკოლოგიურ ზიანთან დაკავშირებით საგამოძიებო კომისიის შექმნას ნაადრევად მიიჩნევს.

როგორც მან ჟურნალისტებს განუცხადა, ჯერ საკომიტეტო მოსმენა უნდა ჩატარდეს, სადაც გარემოს დაცვისა და სოფლის მეურნეობის მინისტრი იქნება მოწვეული.

მისივე განმარტებით, მინისტრის საკომიტეტო ფორმატში მოსმენა მომავალ კვირას იგეგმება:

„ჩემი აზრით, ნაადრევია საუბარი საგამოძიებო კომისიის შექმნაზე, როდესაც ჯერ საკომიტეტო ფორმატი არ გაგვივლია. აუცილებელია ჯერ ჩატარდეს კომიტეტის მოსმენა, რომელიც მომავალ კვირას იგეგმება, მოწვეული იქნება მინისტრი, ყველა კარგად დაინახავს, რამდენად მკაცრები ვიქნებით და მომთხოვნები იმ საკითხებთან დაკავშირებით, რომელიც ძალიან მნიშვნელოვანია არა მხოლოდ ჩვენი კომიტეტისათვის, არამედ მთელი საზოგადოებისათვის. მას შემდეგ, რაც პასუხები იქნება გაცემული და ვნახავთ, თუ რა სამოქმედო გეგმა აქვს სამინისტროს, შემდეგ მივიღებთ გადაწყვეტილებას სხვა საკითხებთან დაკავშირებით, რომელიც საგამოძიებო კომისიას ეხება. პირველ რიგში, მნიშვნელოვანია კომიტეტის მოსმენა ჩატარდეს ამასთან დაკავშირებით, სადაც მინისტრი იქნება მოწვეული, ყველას ექნება შესაძლებლობა, დასვას კითხვა და მიიღოს პასუხები უშუალოდ მხარეებისაგან. საგამოძიებო კომისია თუ საჭირო იქნება, მეც დავუჭერ მხარს, მაგრამ აუცილებელია ჯერ საკომიტეტო მოსმენა ჩატარდეს, არ შეიძლება საფეხურებს გადავახტეთ“,-აღნიშნა კახაბერ კუჭავამ.

ავტორი: ,

სოციალური ქსელები

ტრამპმა თანაშემწეებს განუცხადა, რომ მზად იყო ირანთან ომი ბირთვული შეთანხმების გარეშე დაესრულებინა

პენტაგონმა მოითხოვა, რომ ამერიკულმა სამხედრო-სამრეწველო კომპლექსმა დააჩქაროს იარაღის წარმოება

აშშ-მ თურქეთს უკრაინისთვის 12 HIMARS-ის 2500 ჭურვით და 70 ATACMS-ის კასეტური საბრძოლო მასალის მიყიდვის ნებართვა მისცა

გიგაზე თავდასხმამდე კონსულტაცია გაიარა... - რა დეტალებს ასაჯაროებს მოკლული მასწავლებლის დედა