დიდი ბრიტანეთის შემდეგ, რუსეთის წინააღმდეგ მკაცრი ზომების გატარებას საფრანგეთიც გეგმავს. 

Reuters-ის ინფორმაციით,  ქვეყნის პრეზიდენტი ემანუელ მაკრონი, უახლოეს დღეებში „გრუ“-ს ყოფილი აგენტის, სერგეი სკრიპალის მოწამვლასთან დაკავშირებით,  საპასუხო ნაბიჯებზე განცხადებას გააკეთებს. 

მანამდე, საფრანგეთის მთავრობის წარმომადგენელმა, ბენჟამინ გრივომ, სკრიპალსა და მის ქალიშვილზე თავდასხმას „ძალიან სერიოზული აქტი“ უწოდა და აღნიშნა, რომ პარიზი გამოძიების შედეგებს ელის, ვიდრე რაიმე გადაწყვეტილებას მიიღებს. 

შეგახსენებთ, რომ ბრიტანეთის პრემიერ-მინისტრმა ტერეზა მეიმ, რუსეთის დაზვერვის ყოფილი ოფიცრის, სერგეი სკრიპალისა და მისი შვილის მოწამვლაში კრემლი დაადანაშაულა და ქვეყნიდან 23 რუსი დიპლომატის გაძევების გადაწყვეტილება მიიღო. ამასთან, პრემიერის თქმით, ბრიტანეთი რუსეთთან უმაღლეს დონეზე ყველანაირ კონტაქტს წყვეტს.

ავტორი: ,

სოციალური ქსელები

აშშ-მ ირანის წინააღმდეგ სანქციები გააფართოვა და მსხვილი ავტომწარმოებლები და რკინიგზის კომპანიები მოიცვა

ნატოს გენერალური მდივანი: ევროპა დღეს მშვიდობაში არ არის

„პუტინის გზა“: მოსკოვი რუსეთიდან საქართველოს გავლით სომხეთამდე რკინიგზის მარშრუტის პოპულარიზაციას იწყებს

„თბილისობის“ დღესასწაულთან დაკავშირებით საავტომობილო გადაადგილება რამდენიმე ქუჩაზე დროებით იზღუდება