საპარლამენტო უმრავლესობის ლიდერის არჩილ თალაკვაძის განცხადებით, ევროკავშირთან უვიზო რეჟიმის  შეჩერების საკითხი დღის წესრიგში არ დგას.

როგორც მან თემის კომენტირებისას ჟურნალისტებს განუცხადა, საქართველოს ხელისუფლებამ შექმნა ყველანაირი მექანიზმი იმისათვის, რომ რისკების მართვა ამ მიმართულებით მომხდარიყო. მისივე თქმით, მმართველი გუნდი ყველაფერს აკეთებს, რათა ევროკავშირის ქვეყნებთან თანამშრომლობა ნორმალურ რეჟიმში გაგრძელდეს:

„ჩვენ წინასწარ მივიღეთ კანონი, შევქმენით ყველანაირი მექანიზმი იმისათვის, რომ რისკების მართვა ამ მიმართულებით მოგვეხდინა, ეს იცის ევროკავშირმაც,უვიზო რეჟიმის შეჩერების საკითხი დღის წესრიგში არ დგას, ამასთან დაკავშირებით პოლიტიკურ სპეკულაციებს ოპოზიციური პარტიები უნდა მოერიდონ, ჩვენ ვაკეთებთ ყველაფერს იმისათვის, რომ ევროკავშირის წევრ ქვეყნებთან თანამშრომლობა გაგრძელდეს ნორმალურ რეჟიმში. აქ არანაირი უარყოფითი ტენდენციები ჩვენ არ გვაქვს.ის საკითხები, რომლებიც  დღის წესრიგში დგას, იდგა მანამდეც, ეს არის სამუშაო საკითხები, ის საკითხები, რომელიც ევროკავშირს არა მხოლოდ საქართველოსთან, არამედ სხვა პარტნიორ ქვეყნებთანაც აქვს განხილვის რეჟიმში“, - განაცხადა  არჩილ თალაკვაძემ.

ცნობისთვის, ბრიუსელში ევროკავშირის შინაგან საქმეთა მინისტრების შეხვედრა მიმდინარეობს. შეხვედრაზე გერმანია საქართველოს მოქალაქეების მიერ უვიზო მიმოსვლის წესების დარღვევის საკითხის დაყენებას აპირებს. როგორც გერმანიის შს მინისტრმა ტომას დე მაზიერიმ აღნიშნა, ვიზალიბერალიზაციას შესაძლოა, საფრთხე მართლაც დაემუქროს.

ავტორი: ,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს