საპარლამენტო უმრავლესობის  წევრმა სოფიო ქაცარავ კიდევ ერთხელ მწუხარება გამოთქვა არჩილ ტატუნაშვილის გარდაცვალებასთან დაკავშირებით და განაცხადა, რომ მომხდარზე მთელი პასუხისმგებლობა რუსეთს ეკისრება.

მან ასევე მადლობა გადაუხადა საერთაშორისო საზოგადოებას მხარდაჭერისთვის. ქაცარავას განმარტებით, საქართველოს ხელისუფლება კვლავ  გააგრძელებს საერთაშორისო საზოგადოების ინფორმირებას და თემის აქტუალიზაციას.

"საერთაშორისო საზოგადოება არის მაქსიმალურად ინფორმირებული ამ საგანგაში  ფაქტის თაობაზე, მინდა მადლობა გადავუხადო ჩვენს პარტნიორებს და საერთაშორისო ორგანიზაციებს კიდევ ერთხელ მათი მხრიდან  მხარდაჭერისთვის, სწორი და ობიექტური შეფასებებისთვის და მათი მხრიდან ამ თემის  საერთაშორისო დღის წესრიგში დაყენებისთვის. ცხადია, კვლავაც გავაგრძელებთ საერთაშორისო საზოგადოების ინფორმირებას და ამ საკითხის აქტუალიზაციას",-აღნიშნა ქაცარავამ.

მან ყურადღება გაამახვილა სამშვიდობო პოლიტიკის გაგრძელების აუცილებლობაზე.

"ძალიან რთულია ამაზე საუბარი, მაგრამ მიუხედავად ამ ყველაფრისა ჩვენ კვლავაც ვაგრძელებთ და რაც მიმაჩნია, რომ არის უალტერნატივო,ოკუპირებულ ტერიტორიებზე მოსახლეობასთან ურთიერთობას.ჩვენი ქვეყნის ეროვნული ინტერესია, რომ მშვიდობიანად დავარეგულიროთ კონფლიქტი და ამ სამშვიდობო პოლიტიკას არ აქვს ალტერნატივა",-განაცხადა სოფიო ქაცარავამ.

ავტორი: ,

სოციალური ქსელები

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს

სექსუალურ ძალადობაზე ფედერაციის და კლუბის დუმილი შემზარავია - კოალიცია "ცვლილებისთვის” პასუხისმგებელი პირების დასჯას ითხოვს

ევროკავშირმა ავიაკომპანიები საუდის არაბეთის საჰაერო სივრცეში არსებული საფრთხეების შესახებ გააფრთხილა