ოკუპირებული ცხინვალის დე-ფაქტო პრეზიდენტის ანატოლი ბიბილოვის განცხადებით, არჩილ ტატუნაშვილის საკითხი „ძალიან პოლიტიზირებულია“. ამის შესახებ ბიბილოვმა ჟენევის დისკუსიების თანათავმჯდომარეებთან შეხვედრის დროს განაცხადა.

როგორც მან აღნიშნა, ტატუნაშვილის ცხედრის გადაცემა ექსპერტიზის პასუხების შემდეგ გახდება შესაძლებელი.

„ჩვენ კარგად გვესმის, რომ სამხრეთ ოსეთში არსებული კანონები მსოფლიო ნორმებს არ ეწინააღმდეგება. იმისათვის, რომ ცხედრის გადაცემა მოხდეს, საჭიროა სასამართლო-სამედიცინო ექსპერტიზა. ასეა მიღებული მთელ მსოფლიოში და  უბრალოდ ისე ქართული მხარის მოთხოვნებს ვერ დავაკმაყოფილებთ", - განაცხადა ბიბილოვმა.

მანვე დასძინა, რომ ე.წ. სამხრეთ ოსეთს უნდა მიეცეს შესაძლებლობა ყველაფერი კანონის გზით გააკეთოს.

"თუ ტატუნაშვილის ცხედარი საბუთების გარეშე იქნება გადაცემული, თქვენ პირველები დაარტყავთ სამხრეთ ოსეთს, ჩვენ ეს არ გვინდა. იგივე საქართველოში - ექსპერტიზას სულ მცირე ერთი თვე სჭირდება. არავინ ამბობს, რომ ცხედარი არ უნდა გადავცეთ, თუმცა საზოგადოების ნაწილს ასეთი პოზიციაც აქვს. ჩვენ 150 ადამიანი გვყავს დაკარგული, მარგამ ამისგან პოლიტიკას არ ვქმნით“, - განაცხადა ანატოლი ბიბილოვმა.

მედია საშუალების ინფორმაციით, თანათავმჯდომარემ ევროკავშირის მხრიდან ტოივო კლაარმა შეშფოთება გამოთქვა, რომ "ტატუნაშვილის ცხედარი უკვე 2 კვირის განმავლობაში, სამხრეთ ოსეთშია“.

ავტორი: ,

სოციალური ქსელები

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს

სექსუალურ ძალადობაზე ფედერაციის და კლუბის დუმილი შემზარავია - კოალიცია "ცვლილებისთვის” პასუხისმგებელი პირების დასჯას ითხოვს

ევროკავშირმა ავიაკომპანიები საუდის არაბეთის საჰაერო სივრცეში არსებული საფრთხეების შესახებ გააფრთხილა